Mik va song tong abih gauk uranam! Bingu Hồng hu mong lac bingu di bruk meyut meyau saong haniem phol, di hatai anit ranam gauk song pamong tal bruk siam mekre. Lac bingu hu rilo sambo màu, hu pandar piah caik dalam bình, lọ, pala bồn bonsai, pala trang trí vil val sang. Dalam kadha “ Urang ngak hamu cong thau” harei ni, hu kadha vak  tacei jalan pala bingu Hồng di sang

Bruk palh ruah taneh song jalan pala piah ka phun tabiak rilo bingu

          Jalan ngak taneh dahlau di tuk pala: palih taneh pasoh tathuak ia siam piah ia pruh oh kandong veik ngak khut gha, njauk pandar khak hữu cơ piah halok ala phun dahlau di tuk pala. Tuk pala tangin ieu khik phun, tangin hanuak lam taneh vil val gha, kateik njul tangin ka phun dang tapak, plaih ngak klaoh gha, pala bloh brei pruh ia. Tui bồn praong atau sit bo caik yot pala ka nyu lagaih, khik ka hala phun hu ginup pandiak, jhui pala jiak di gauk ngak ka phun tamuh oh siam kayua kurang pandiak.   

Jalan iek glang  piah hu rilo bingu?

Meng 10 tal 15 harei tuk phun tabiak gha tamuh hala meda njauk buh pabak khak  asar yau Dynamic, khak cim thu, khak NPK atau DAP… buh taom dar gha bloh lam haluk veik. Jhui ngak megei gha phun song buh khak oh jiak gha phun. Hadei di nan, pruh veik ia piah dong ka phun tamuh siam. Bhian cakak klak hala bingu khut, ngan song bingu rak bloh brei cakak klak, tuk cakak brei cakak hala di angaok piah ka phun hu labik tagok dhar bahrau, meng dom akaok dhar nan meda brei tabiak dom bingu bahrau.

Tui iek meyah mboh phun brei dhar bahrau hu sambo m àu bhong meriah song dhar prong, nan lac phun hu pabak ginup dinh dưỡng. Daok meyah mboh phun  hu dhar lavang lavaih, njauk patagok bruk tui iek, cakak dhar mbang hadei. Pala bingu hồng brei hu bruk caik hatai sangka di urang pala, tapa nan meng hu bingu hồng rak mekre ba bui sambai ka yaok menuac urang./.