Mikva saong taong abih gauk uranam!

Dalam kadha: “Urang ngak hamu caong thau” harei ini, daa mikva saong taong abih gauk pang kadha vak brei thau ka ilamu pala kandiuk di mikva urang ngak nong daok di tỉnh Tiền Giang. 

Bao kandiuk hu pala meng asar. Tame kreh vụ palih ruah phun brei rilo baoh praong, siam. Tuk pala njauk palih ruah baoh meta prong, vin samu gauk, trak meng 200 tal 300g sa baoh. Piah ba mai kein laba kinh tế, khaol drei ngak tui jalan tacei pato yau hadei ini:

Pala saong iek glang:  

Palih ruah taneh glaong ala 15 độ, tal taneh đáy ala 1m, siam di abih lac taneh  ẩm. Kandiuk takre độ pH trung bình. Taneh methram njauk buh 30g cur tapung ka sa sào dalam sa thun. Tukvak pala: Vụ xuân pala meng bilan 2 tal bilan 4, vụ thu pala meng bilan  8 tal bilan 10. Kandiuk yai njauk pala kapal, yaok phun meblah mblang taneh 2x3m. Lubang pala hu caga dahlau 2-3 bilan, dalam meteh mét, prong meteh mét, pak meta atau hình chữ nhật. Yaok lubang buh 20 tal 30g khak van ro, 200 gram supe lân lai srau haong taneh, ủ dahlau 2-3 bilan. Phun pala di kreh lubang, tuh aia gam, khik độ ẩm 70-80%.

Iek glang: dalam 3 thun akaok mereip njauk buh ralo đạm piah ka phun tabiak ralo dhar, hala siam. Buh NPK tỷ lệ 2:1:1. Yaok 1 tal 2 bilan buh sa mbang tuk langik hajan ẩm. Yaok phun buh 100gram tal 200gram urê, meteh kg supe lân, gha ini atah gha diah 30 tal 50cm. Tuk buh rabha jeng 3 mbang dalam sa thun, mbang ka sa dalam bilan  2 - tỷ lệ NPK lac 1:1:1; mbang 2 dalam bilan 6 - tỷ lệ NPK lac 1:1:2; mbang ka 3 hadei di tuk paik baoh bilan 9 - tỷ lệ NPK lac 2:1:1. Yaom khak buh takik atau ralo tui phun prong atau sit. Kuhria  rah tapa yaok phun buh meng meteh kg tal 1kg urê, 2 tal 4kg supe lân, 30 tal 50kg khak van ro dalam sa thun.

Kandiuk hadei di tuk paik baoh hu 3 vụ ye baoh sit nao, phun glaong kan paik baoh. Piah hu baoh prong njauk kaoh phun meng thun ka 5 tagok, hadei di nan yaok 3 thun kaoh sa mbang. Mbang kaoh akaok mereip atah mbaok taneh meteh mét, min mbang hadei atah mbang dahlau meng 2 tal 3 tấc.

Pacang caga jit ruak: Mok mbang gha: Phun daok prong hijao siam, hala thu kanjik, pandar jru Padan 0,2% pruh tame gha 2 tal 3 mbang, yaok mbang atah gauk meng 6 tal 7 harei (kuac lubang pruh tame 2-3 lít aia jru piah pateok mok). Ngak hacih gha phun kandiuk: bhian khik ka gha nyu hacih, oh ủ meng pong, nerang, rup hala piah klah mok mbang gha. 

Nhện bhong ngak thu kanjik, jruh hala, baoh: pandar jru Sông Mã 24WG, Pegasus, Regent… pruh pametai halak halin ruka kik angaok phun. Halak mbang baoh bhian ngak khut tuk baoh hu đường kính meng meteh tal 1cm, pacang cakak meng jru Padan, Regent./.