Urak ini, kruac bung kalik hijao  lac janih baoh biak hu ralo manuac urang takre kayua nyu bingi, oh hu asal, aia gap takre, pasiu sambo màu hồng, hu ralo vitamin biak siam ka urang limek khin trun kilô. Dalam kadha “Urang ngak hamu caong thau” harei ini khaol dahlak likau khan tal mikva saong taong abih gauk ilamu pala kruac bung hijao di mikva daok pak  nông trường Phạm Văn Hai, huyện Bình Chánh, ban raya Hồ Chí Minh. 

 Jalan palih pajaih saong ngak taneh piah pala.

Palih ruah pajaih kruac bung kalik hijao, oh pala pablak haong dom janih phun karei. Njauk pala phun kruac bung cakak dhar, yau nan phun samar tabiak baoh, saong baoh siam yau phun amaik, phun kruac bung cakak dhar diuk hu umo biak glaong.

Ngak taneh: Ngak ka taneh pala samu, tapak, glaong hasit di pak kreh piah tathuak aia samar. Njauk duah thau taneh piah buh khak ka nyu siam, laghaih.

 Jalan pala, jalan tuh aia saong buh khak.

Jalan pala saong iek glang: yaok ha pala meng 500 tal 600 phun, yaok phun atah gauk 4m, talei ini atah talei deih 4m. Caik phun pajaih tame kreh lubang, lam haluk sir abih gha, hơi lõm di kreh piah hadei nan buh pabak khak hữu cơ saong patak pataom aia pruh, buh vin taom dhar gha dom janih khak hijao, pong nerang ka nyu mát gha. Tukvak pala: siam abih nan lac puac bilan thu, akaok bilan hajan, kayua  bilan hajan kruac bung tamuh siam meng hu aia pruh.

Jalan pruh aia saong buh khak: Tuk vak akaok mereip pruh aia yaok harei sa mbang piah ka phun kruac bung oh lahik aia, njauk pandar  aia hacih, oh njom nerak. Tui taneh bo buh khak ka nyu njauk, lagaih, pandar khak hữu cơ pambuak haong vô cơ, buh di gha saong pruh angaok hala tui yaok tukvak cakrok patagok di phun kruac bung.

Khak hu pandar piah piah buh ka phun nan lac khak hữu cơ, dom janih khak hijao, yaok thun  buh takik abih 2 mbang dalam bilan 3 sapmh bilan 9 saka ia bulan. Langiu di nan, daok hu dom janih khak hu pandar ralo yau DAP atau NPK hu pruh angaok hala.

Njauk paik baoh tuk kruac bung bahrau tathak, kalik catang jangaih, cakak gam cadak baoh. Oh paik baoh tuk baoh oh ka tathak atau paik biak trễ, chất lượng oh siam. Kruac bung mbuan pala, kein laba biak glaong, hu urang takre mbang, lac janih phun pala laghaih haong jalan ngak nong di bal raya Hồ Chí Minh./.