Kadha “Urang ngak hamu caong thau” harei ini, hu kadha vak di thạc sỹ Nguyễn Thị Lệ Thủy tacei pato ilamu pala la-u, daa mikva saong taong abih gau tui pang.

 1. Bilan pala:

   Pak Bhum taneran kraong Cửu Long njauk pala dalam bilan 6 bilan 7 saka aia harei (tuk tame bilan hajan) piah patrun jien pruh ia dalam tukvak phun anek. Yau nan min, meyah caga hu aia pruh ye meda pala dalam bilan halei dalam thun jeng hu.

2. Kuac ribaong tagok ro:

Langiu taneh cuah, ye taong abih dom janih taneh meng taneh haluk phù sa tapen kraong atau taneh phèn jeng brei tagok ro tuk pala phun lavik thun yau phun la-u. Min, kiểu ro tui yaok janih taneh saong tui bruk pala ngak. Ngan haong taneh haluk phù sa oh hu phèn meda tagok ro tui jalan yau Yuan lac cuốn chiếu, nan lac tal taneh mbaok gah angaok njauk tableik trun ala saong taneh haluk ala dalam hu ba tagok angaok, lavik livik harei nyu ngak jeng ro. Ngan haong bhum taneh phèn, tui độ dalam hu mboh tal phèn bo xác định độ dalam di ribaong, plaih ba tal taneh phèn tagok angaok mbaok, taneh oxid hóa ngak jeng phèn meda ngak ka phun la-u metai. Langiu di nan, njauk kê liếp piah oh ngak đảo lộn tal taneh, oh ba taneh phèn tagok angaok mbaok. 

3. Kích thước ro:

 Tui janih taneh saong tui bruk pala bo ngak ro đơn  hu mbaok praong meng 4 tal 6 mét, atau ngak ro đôi hu mbaok praong meng 6 tal 8 mét, gaok tuk mai meng 10-12 mét. Ngan haong bhum taneh phù sa, oh hu  phèn, meda tagok liếp đôi piah lagaih ka bruk pala pablak njam patam dalam tukvak kiến thiết cơ bản, saong piah mbuan pala rilo janih tuk phun prong. Ngan haong bhum taneh hu phèn, mbak njauk tagok ro đơn piah ka ro samar rao phèn saong bhian pala sa janih phun atau pala pablak haong dom janih phun tamuh hu dalam haluk phèn yau patei, menaih.

4. Khoảng cách pala:

 Khoảng cách pala tui pajaih, tui độ màu mỡ di taneh, tui khí hậu saong tui bruk pala pablak halei oh. Pajaih la-u glaong kayua hu hala atah meng 5 tal 6m nan ye bhian pala lapih jang pajaih la-u biar hu hala atah meng 3-4m. Bhum taneh siam, ralo hajan, oh hu dom cuang kandah gah môi trường ye phun la-u meda cak rok khang nan ye pala lapih jang dut haong bhum taneh oh siam saong khí hậu thu lagu, takik hajan. Langiu di nan, meyah hu pala pablak njauk pala lapih piah hu ginup aia harei ka phun pala pabak. Pala lapih ralo meda ngak lảng phí taneh min meyah pala kapal ralo ye phun nyu meblah gauk aia harei, tagok glaong, lóng atah brei takik baoh. Pala tui kiểu hình tam giác hu mật độ glaong jang 15% dut haong pala tui kiểu hình vuông. Min pala tui kiểu hình vuông atau hình chữ nhật lagaih ka bruk pala pablak jang pala tui kiểu tam giác./.