Njam xà lách lac angan iew  ka sa janih njam mbang metah, khaol drei meda pandar thol, canaih, thùng xốp, chậu…piah pala njam ini di sang. Kadha “Urang ngak hamu caong thau” harei ini hu kadha vak tacei pato jalan pala xà lách di sang, daa mikva saong taong abih gauk tui pang.

Jalan pala  piah xà lách tamuh siam

Caga taneh piah pala: srau xơ la-u haong taneh dinh dưỡng tui tỷ lệ 1 xơ dừa -1 taneh, brei taneh tame khay pala, njauk caik hatai taneh pala atah mbaok khay 5-7cm piah tuk drei pruh aia, taneh pala oh sraiy tabiak langiu.

Pruh aia: pandar bình pruh atau vòi hu tia aia pruh angaok mbaok taneh pala piah caga pala asal. Caik khay njam xà lách hu pala asal blaoh dalam halui, pandar njuan sambo jhuk atau blah ba-ar pacang veik khik ẩm, pruh aia yaok harei 2 mbang meng bình xịt hu vòi pruh aia tal tuk asal pacah meta (3 tal 4 hareihadei di tuk pala).

Jalan iek glang saong buh khak brei xà lách tamuh siam

Drei meda cakak njam mbang yaok harei atau buac tagok pala veik dalam khay karei piah ka phun prong samar jang. Njauk pruh aia yaok harei meng bình hu tia aia sit (yau Yuan ieu lac phun sương), saong ba khay njam tame labik hu tabung cang tuk langik hajan piah ka njam nyu klah bram hala ngak ka njam nyu metai.

Buh khak: meda buh pabak khak vô cơ hu hàm lượng đạm glaong daong ka phun njam xà lách drah prong brei ralo hala. Hadei di tuk pala meng 4-6 harei buh khak lai 10g urê haong dua lít aia blaoh pruh tagok njam, page harei hadei dahlau di tuk aia harei tagok pruh rao veik hala meng aia hacih.

Njam xà lách hadei di tuk pala 45-50 harei ye paik mbang hu. Meyah buac ba tabiak pala ye tukvak paik meng 25-30 harei hadei di tuk pala. Tadhau ayuh mikva saong taong abih gauk pala njam an toàn pak sang mek hu ralo siam mekre saong hu ralo bui sambai tuk mong mboh phun pala di drei tamuh siam. /.