Dom janih taneh meda pala hu quýt nan lac: taneh cuah di tapen krong, taneh glai bahrau mbuan tathauk ia. Dahlau di tuk pala sa bilan, taneh brei hu ngak hacih hareik, kuac raok, atau parabha lô. Pala dom phun ghép di dhar ghép, tam drak lac 300-500 phun/ sa ha, phun ni atah di phun deih 4 x 5 m. Tame bilan thu pacang dhar quýt meng hareik harom, hala hijao sa tal kapan meng 5-10cm piah khik pasah song caga hareik. Pala pablah song ratak laow, ratak naih song dom janih ratak karei karei ala phun quýt dalam 2 – 3 thun tuk phun oh ka khép tán piah mek taneh pacang hareik song pabak chất hữu cơ, vi khuẩn hu đạm ngak khak buh ka phun. 

Jalan buh khak, pruh ia song iek glang siam piah ba mai kein liba? 

Quýt brei buh rilo khak limo, samu song nguyên tố dinh dưỡng, ginup vi lượng, phun meda patagok siam, pacang halak song jit ruak di angaok phun, brei năng suất glong. Piah khik pasah ka taneh njauk kuac raok dalam tuk ngak taneh, pacang taneh meng hareik harom, hareik song khak limo. Tuk pacang hareik, khak limo oh pacang sre dhar. Dalam tuk samar ba ia mai tathuak ia tame dom lubang di 2 gah phun pala, hadei di sa harei tathuak thu. Tuk oh samar ba ia brei duah jalan ia jiak atau jalan ia kanduak, padang ngak dom jalan nding ia atau danao ia.

Bruk cakak dhar brei hu peih ngak gam gam, yaok thun hadei di tuk paik mek boh. Brei cakak klak dom dhar phun thu song dom dhar njom halak rah tabiak, piah dong ka phun tamuh cakak klak ruak halak halin./.