Pathau mik va song tong abih gauk,  dalam danak dak harei ni, khol hulin hu kadha vak khan ka bruk palih ruah pajaih pabo di urang nong xã Phước Nam, huyện Thuận Nam, tỉnh Ninh Thuận, daa mik va song tong abih gauk tui pang.

Ruah pabo binai pajaih, mik va njauk palih ruah meng rai dahlau, pabo hu saik siam, menek rilo, lagaih haong bruk rong glang. Mbaok hadah, akaok prong, atah, thei prong, takuai atah mbiah, ka ing atah tapak, tian prong, takai likuk song takai anak khang kajap, dang tapak, njauk palih pabo binai hu pabo amaik menek dua drei, klau drei. Njauk palih pabo hu tong tasau prong, samu gauk, tasau gam tame tian, 2 tong tasau atah, mong meng gah likuk mboh tasau raak praong, bilau tasau dak limin dak siam, tong tasau tual kajap, prong atah meng 4-6cm, hu rilo rak darah ndaong tagok.

Ngan song pabo tano pajaih, mik va njauk palih tapa rai dahlau, ruah pabo saik siam. Akaok prong mbiah, thei prong, takuai gul, cada prong, rup atah, 4 takai khang, tian sit khang kadang. 2 tinh hoàn prong samu gauk, khang kajap. Njauk palih drei tano di mbang ndih tapui ka 2, 4 song njauk palih pabo tano sa drei.

Palih pabo pajaih mik va njauk tui iek dom drei anek di nyu hu khang kajap halei oh?