Ngan saong urang Chăm, mbang menyum oh lac sa bruk yaok harei, oh lac mbang piah trei tian di drei bo nan daok brei mboh hatung hatian, brei mboh ilamu, hatai jia tame dom bruk tâm linh dalam bhap bini. Kayua yau nan ye, dalam bruk mbang huak di urang Chăm, kol drei mbuan mboh dom hatai sahaneng, dom bruk kiêng kỵ hu yaok urang ngak tui.

Urang Chăm biak sangka tal var mbang, urang mbang tasak menyum tasak, labik ngak mbang huak brei hacih, siam, hadah hadai,. Urang Chăm saneng lac: sup palup lac labik di khamot, mbang menyum labik sup mblup lac mbang menyum saong khamot, nan ye tuk mbang menyum brei njauk lac labik hadah hadai meng mbang. 

Dalam var mbang yaok harei, taong abih urang Chăm lang ciu atau cà tăng tui gah timur – pai piah ramik pandap mbang. Pandap mbang hu caik dalam talam saong daok la tui thứ bậc dalam baoh sang. Tuk mbang menyum, urang chăm oh ndom meyai bruk karei, huac ndom khang sap, oh brei lisei laik trun haluk. Urang chăm saneng lac, yaok asar lisei lac rup thaik saong suan yava di Po yang Si – Yang padai brah. Amuk Đặng Thị Phúc daok di xã Phước Hậu, huyện Ninh Phước, tỉnh Ninh Thuận  brei thau:

Sap Chăm

 Ngan saong dom pandap mbang pok tagok paling yang dalam dom lễ hội, ye urang oh ngak mbang dalam var mbang yaok harei. Daok dalam var mbang di hội hè, ndam tiệc ye urang chăm ngak tui jalan agama biak catang. Tui bruk saong tui agama Bàlamôn atau Bàni bo urang chăm ramik var mbang karei di gauk. Dalam ndam metai, ndam likhah jeng hu jalan ndom puac, mbang menyum karei di gauk saong urang likei, urang dam hum bang menyum dahlau urang kamei. Ong Thiên Sanh Quận, akaok ban adat cambat palei Hiếu Thiện, xã Phước Ninh, huyện Thuận Nam, tỉnh Ninh Thuận lac:

Sap chăm

 Bruk mbang huak di urang chăm oh lac piah thau pandap mbang, pandap menyum bo daok pabak ka gah tâm linh./.