Pathau mikva…

Piah patagok năng suất tangei, langiu dom bruk yau palih ruah pajaih siam, oh hu halak, buh khak ginup, pruh ia saong iek glang njauk tui yaok tukvak praong tagok di tangei… ye dom jalan ngak đơn giản min hu makna biak praong dalam bruk patagok năng suất tangei, kol dahlak likau khan tal mikva saong taong abih gauk kadha vak hadei ini.

Mikva brei pala tangei tui gah timur – Pai piah hu ia harei, patagok bruk quang hợp, takik halak palai kaik.

Tuk tangei hu 3-4 hala brei tacoh haluk phá váng saong buh pachreih khak đạm ka tangei. Thụ phấn pabak ka tangei ngak patagok dom hàng asar tangei saong dom asar catil angaok hàng. Jalan thụ phấn pabak ka tangei biak mbuan. Tuk mboh tangei tabiak bingu hu 2-3 harei ye brei thụ phấn pabak tui jalan mek sa talei atah jaik 10m, kak dua gah akaok talei tame 2 mbaik gai atah jaik 1m meteh, yaok urang pan sa mbaik gai hu kak talei catang gar bein tangei saong nao mai yau habar ka talei gaok tame bingu piah ka dom bao phấn prai tabiak saong laik tame blau tangei gah ala. Tukvak ngak di tuk 9 – 10 tuk mesup tuk dom bao phấn hu thu ia kakua saong tung phấn. Mikva jeng mek dua gai, yaok gai atah 2-3 m nao tui dãnh tangei saong mek gai gaok hanjul 2 talei tangei 2 gah ro piah phấn laik trun blau tangei.

Tuk bilau tangei thâm sambo (tukvak thụ phấn salah bloh), brei cakak dom bingu piah dinh dưỡng hu pataom tame raong tangei saong asar. Tuk paik tangei brei parabha tui janih pak di mblang hamu, caik karei tangei sit, tangei njauk halak palei kaik, hu bimao. Tangei paik mai oh caik mbu bo brei parai tabiak klah nyu thu saong takik laik ia ngak patrun chất lượng tangei, hadei di nan paik hala bi, pambu thu tangei, mek mac laik asar saong ngak thu asar tal ẩm độ  chuẩn piah khik ramik./.