Danao raong lac labik hu ia siam, ia rilo, oh njom nerak tachauk, meda pabak ginup ia dalam luac tukvak raong. Ramik pasiam danao, kuac hacih gluh, hacih kayau hareik bruk, lam sir dom lubang ring, ramik pasiam takai hamu, hu halam pacang sir, takai hamu galong jang mbaok ia labaih meteh mét, tak klaak phun oh brei ka nyu pacang tapa  25% mbaok ia.

  Meda mek bein atau puh hu mbaok ia meng100 tal dom ribau mét vuông piah raong ikan. Ia dalam lagaih lac meng 1-2m. Hadei di tuk kuac gluh, buh cur tapung meng 10- 15kg ka 100m2 danao. Brei ia tame danao jaik 40cm, hadei di 1 adit. Tuk ia hu sambo màu hijao hala patei, pabak ia tame meng 8 tấc tal 1 mét.

Ruah ikan khang kadang praong nde gauk, oh saluah, oh ruak kik. Dalam 1 m2 raong meng 3-10 drei, meyah palo ikan tai tượng gam saong ilan mè trắng, ikan hường ye 1 m2 1 drei (piah tận dụng pandap mbang laik trun saong ngak hacih ia).

Hadei di 1 bilan raong ikan tai tượng praong jeng ikan pajaih saong salih tapa mbang ăn thực vật, tuk camereip drei brei mbang thực vật sit yau:  bèo cám, hoa đậu lá cải, hala njam puan, hala bei plom. Ikan praong jang nyu mbang ginup dom janih njam, thực vật thủy sinh, pandap klaak meng sang ging. Ikan mbang njam nyu praong suai (2-3 thun trak labaih 1 kg); meyah hu pandap mbang gam tui njam, ikan praong samar jang (1thun trak labaih 1 kg). Njam brei ikan mbang meng 2-5% teik trak di ikan. Lingiu di nan drei palao njam hijao tagok angaok mbaok ia brei ka ikan mbang.

Dom pandap mbang yau tapung ikan, akaok hadang, ikan tasik that, rilo bao, ikan anek 30% + haleik, xác đậu nành 30% + mekuac,tangei 7% ) + njam hijao 30%.

Pandap mbang hu 50% haleik + 15% tapung ikan + 25% bánh dầu saong 10% njam puan.

Ngak pandap brei ikan mbang: njam puan, njam bei java kaoh sit. Bao, ikan, ring saok klik. Ngak bu mekuac haong ikan, ring, bao, hadei di nan buh njam puan tame haong tapung hala, xác đậu nành tuk karei bloh srau haong gauk, caik brei li-an bloh srau haleik kateik jeng asar.

  Tuk ikan praong drei neh rabha jeng tapon, prai pandap mbang piah ikan praong atau sit jeng mbang hu.

  Dalam tukvak raong, meyah ikan praong oh samu gauk ye drei dui halam, ruah ikan praong raong karei, ikan daok veik dalam danao nyu nde gauk ye nyu praong samar jang. Yaok  45 harei drei ruah ikan 1 mbang.

Ikan mbang hu khak menuk, khak pabui. Brei salih ia gam gam. Sraong klaak njam hijao bo ikan mbang labaih, brei njam bahrau tame. Ia hu salih yaok adit, takik di abih meteh bilan sa mbang, ia hacih, siam, hu sambo hijao hala patei meda.. Khik ia tani tanat dalam danao raong meng 1mét 2  tal 1 mét meteh.

Yaok harei tui iek ikan piah samar langyah, pasang iek takai ar, pacang co klaik.

 Tuk cap mek ikan pablei, drei pacang yaok khúc mương atau yaok phần danao, dui halam atau cap mek ikan meng vợt, caik ikan tame thung hu ia. Oh caik brei ikan thu ia./.