Pathau mik va song tong abih gauk! Tuk rong hadang mik va njauk tui iek cambaih laih dom janih yau ye jalan ia, độ mbak song tuk vak njom mbak atau taba, độ phèn di ia song taneh, hadang pajaih song khả năng hu pajaih, bruk hu pandap mbang ka hadang. Kadha: “Urang ngak hamu cong thau” harei ni, khol hulin hu kadha vak brei thau dom kadha njauk caik hatai tuk rong hadang. Daa mik va song tong abih gauk tui pang. 

Mik va jhui pandar jru halak piah pametai ikan tạp dahlau di tuk rong hadang. Biak nguy hiểm meyah pandar jru halak piah pametai ikan tạp dahlau di tuk rong hadang, kayua jru halak meda kandaong veik dalam ia song taneh meda ngak jhak tal hadang. Meyah nồng độ beir oh ngak ka hadang metai chip, nyu meda ngak ka hadang ruak harei hadei.

Jhui kuac raok danao biak dalam atau biak kaoh piah rong hadang. Danao biak dalam ngak ka ia biak liar di mbat danao, hadang suai prong. Danao dalam kan si hu sambo ia siam. Danao takik hu pandap mbang tự nhiên. Mbat danao meda kurang Oxy, gluh baok kandong rilo song kan ralai, tuk ralai oh siam ka hadang. Hadang mbuan si njauk ruak jhuk mang. Danao kaoh lô mbuan si ngak ka ia pandiak atau li-an chip. Nhiệt độ harei biak pandiak, melam biak liar, độ mbak tagok samar dalam dom harei pandiak, saong trun biak samar tuk hajan khang. Tảo tamuh biak  samar song meda rah tabiak bruk “rah bingu” kayua tảo nyu kapan, ngak brei hadang nyu metai, abih di nyu nan lac tuk saboh mesup./.