Urang tame Viet Nam hu klauk ginup vacxine song hu test samar 

Thun 2022 kinh tế bhum ĐBSCL tui kuhria mboh dahlau jeng daok gaok rilo kan kandah anak bruk srau kadau di jit ruak COVID-19. Doanh nghiệp daok pasiam veik min jeng gaok kan kandah kayua kurang menuac ngak, kan mesraiy hu phun jien saong dom sarak piah pasiam veik kinh tế dalam tukvak anak tal. Ini lac dom asal kadha hu ba tabiak dalam ginum biai “maong veik kinh tế bhum thun          2021 saong bruk kuhria dahlau di thun 2022” kayua Pasak Trọng tài Negar Việt Nam pambuak bruk haong Jabat Pablei salih haong Công nghiệp Việt Nam dhar Cần Thơ (VCCI Cần Thơ) peih tabiak di puac adit blaoh tui jalan online.

Jabat rajaei bahrau ba tabiak pathau khan panuac di Phó Thủ tướng Thường trực Phạm Bình Minh ka jalan ngak pasiam viek dom mbang par pablei salih dunya yau yaok harei. Tui nan, Phó Thủ tướng njauk hatai haong jalan ngak pasiam dom mbang par dunya yau yaok mbang pajeng tuai haong dom taneh ia hu tanut salamat glaong, anak mata lac Bắc Kinh/Quảng Châu (Trung Quốc), Tokyo (Nhật Bản), Seoul (Hàn Quốc), Đài Bắc (Đài Loan - Trung Quốc), Bangkok (Thái Lan), Singapore, Vientiane (Lào), Phnom Penh (Campuchia), San Francisco/Los Angeles (Hoa Kỳ), ngak tui panuac pato tacei di Mintri Y tế ka dom bruk pacang caga ngan haong manuac tame negar, khik tani tanat salamat, siam lagaih haong jalan thuan. Tukvak ngak iek camriep meng harei 1/1/2022.

Kayua jit Covid-19, gam haong yaom khak gam gam tagok glaong, urang ngak nong di TPHCM, Lâm Đồng jeng trun takik bruk pala bingu kiểng tết. Jaik abih urang nong pala bingu jeng cakak trun  jaik meteh, hu labik cakak trun tal 70% taneh pala bingu. Dalam ban  raya HCM hu jaik 2.000 bein bingu kiểng, rilo meng lac lan, mai, dom bingu nền haong kapul bonsai. Tal urak ini, panuac khan meng Sở NN-PTNT TPHCM brei mboh, jaik abih urang ngak nong daok tui iek, duah thau ka bruk jit ruak piah hu jalan pala bingu ka nyu lagaih.

Tỉnh Long An barau peih bruk peih pakah Danak dak tatua nduac tapa kraong Vàm Cỏ Tâydi gah jalan vành đai Ban Tân An. Tatua nduac tapa kraong Vàm Cỏ Tây hu yaom tui kuhria lac jaik 576 tỷ đồng, lac sa dalam dom danak dak jalan mbak praong abih di tỉnh Long An tukvak 2021 -2025, trun manieng kan kandah di jalan mbak di dom jalan raya 1, gah jalan plaih jalan raya 1 saong gah jalan Hùng Vương, trun manieng bala jalan mbak. Ini jeng lac danak dak puac abih piah pambuak haong gah jalan vành đai ban Tân An, pambak jalan haong dom huyện jaik taphia.

Yaom xang menyek tagok gam gam saong daok di tanut glaong dalam dom bilan puac thun ngak kan kandah tal rilo gah, dalam nan hu bruk ngak tasik di Sóc Trăng. Dalam tỉnh urak ini hu 986 kapal taong cap angaok tasik, dalam nan hu 338 kapal taong cap di kreh tasik atah, nan ye tuk yaom xang meneek tagok ye bruk taong cap kaya ikan di urang nao tasik mbuan khat lahik. Piah palaih khat lahik tuk yaom menyek tagok, dom kapal taong cap di kreh tasik atah di Sóc Trăng rilo meng dui atah tukvak daok di tasik. Yaom lac yau nan, min bruk pajeng ba pandap panda di pabah lamnge jeng daok chreih chrai meng hu dom kapal pajeng ba bhian tame tabiak piah pabak menyek saong ba kaya ikan taong cap hu tame gah gam gam.

Tui panuac khan brei thau di dom urang ngak praong gah y tế khik ramik bhum di negar Anh brei thau lac, “dom bruk brei mboh camriep brei mboh Omicron daok njom mbak samar jang Delta saong bruk khik caga di vaccine ngan haong dom triệu chứng kayua Omicron ngak tabiak njauk trun manieng”. Dalam tuk nan, Israel harei 12-12 pathau khan pabak 3 taneh ia châu Âu lac Anh, Đan Mạch saong Bỉ tame angan “bhong” hu labaih 50 taneh ia, abih di nyu nan lac di châu Phi, bo rahra kanja Do Thái njauk pakauk mai rivang, kayua huac kanda bruk njom mbak di biến thể Omicron. Patakik bruk nao mai pambuak haong 3 taneh ia châu Âu nan hu pandar meng harei 15/12.

Cảnh sát Hà Lan duah mboh saong taong tayah sa jalan talei pabak virus SARS-CoV-2 hu caik dalam klaok kaca saong hu pajeng ba tapa jalan bưu điện tal dom menuac oh khin  klauk vaccine pacang Covid-19 piah ka dom urang ini eng drei brei virus tame dalam rup pabhap piah hu harak  chứng nhận lac siam veik hadei di tuk njauk Covid-19. Ini lac jalan ngak piah ka dom urang cagar veik vaccine pacang Covid-19 meda hu nao pataom mbaok dalam dom bruk hu ilo menuac di Hà Lan, dalam nan hu gam dom kalup kapul melam

Pambuak di Nga – phương Tây patui viek lac catang pambuak tal U-cờ-rai-na (Ukraine). Bahrau ini Nga patui viek cáo buộc phương Tây paglaong quân sự di Ukraine, ngak tagok dom bruk ngak kanjak jhak tal an ninh di Nga. Panuac khan brei thau nan hu ba tabiak dalam sa harei dahlau di nan, Tổng thống Mỹ Joe Biden brei thau lac Mỹ oh hu bruk payua bol lin tal Ukraine. Dalam tuk nan, Thư ký báo chí di Tổng thống Nga Dmitry Peskov brei thau lac, NATO daok brei mboh hatai biak hiếu chiến saong bruk hu mbaok di NATO di Ukraine meda pandar Moscow njauk peih dom bruk piah khik caga kein laba di drei./.

Urang lang: Thu Thảo -Mousaphuong- 13/12