Dom urang pal akaok dom gah hu panuac tangi sua 

Jabat rajaei bahrau hu harak ka 326 brei thau panuac tamat di Thủ tướng rajaei Nguyễn Xuân Phúc di mbang nyom rajaei ka pacang caga jit Covid-19. Piah caga ka bruk peih veik dom jalan par pajeg tuai di dunya, Thủ tướng tacei lac brei hu jalan dut iek dom urang tame negar. Tuai dunya tame brei hu jalan ngak karei ka pacang caga jit. Dom mbang par, harei par kayua dom Phó Thủ tướng: Phạm Bình Minh haong Vũ Đức Đam pasang iek, brei panuac. Peih rilo mbang par meng dom taneh ia takik njom ruak piah ba dom chuyên gia, urang ngak mbang, urang hu tangin gheih ngak tame saong taduan rahra di drei mai veik taneh ia. 

Harei ni (14/9), anek saih Đà Nẵng meng tal 6 tal tal 12 dom sang bac phổ thông, pasak pato magru thường xuyên hu nao tal sang bac. Salih ka bruk chào cờ pataom gauk di akaok adit, dom sang bac caik tabiak dua tiết bac piah pato pakai anek saih dom ilamo pacang caga jit. Sở pato magru Đà Nẵng brei thau dom sang bac pieh ngak tui 5 kadha lac (cuk pataik pacang pabah, pametai anek ruak, paatah di gauk, oh pataom rilo manuac, pathau khan y tế) diukrai salamat saong Covid-19. Tui kuhria, anek saih mầm non, anek saih tiểu học, urang bac dalam dom labik pato magru sap negar langiu, tin học… di Đà Nẵng meda nao bac veik meng harei 21/9.

Mesup 14/9, Sở Y tế tỉnh Quảng Nam brei thau lac 2 urang ruak mboh  dương tính veik haong SARS-CoV-2 hadei di tuk abihruak saong brei daok paatah di labik gam daok. 2 urang ruak jeng lac ni cô dalam sa baoh baha di P.Sơn Phong (TP.Hội An, Quảng Nam). Urak ini 2 urang nan hu ba tal Sang iek ruak đa khoa Trung ương Quảng Nam piah brei daok karei, tui iek njauk tui adat hukum. Dalam baha hu 25 urang daok gam daok, hu mek mẫu dut iek saong mboh âm tính Covid-19. Meng harei 1/8 tal urak ini, baha kreik pabah mbang nan ye oh hu urang halei pambuak tal bhap bini

Hadei di  4 harei peih bruk brei ka bhap bini duah dom jeik bau talang lahik angan je, thaot binguk di baha Kỳ Quang 2 (quận Gò Vấp, ban raya HCM), hu  349 sang duah mboh 407 jeik bau talang saong 12 thaot binguk gauk gar dalam abih tih 883 jeik bau talang payua di baha Kỳ Quàng. Dom sang hu tut angan min kayua jar var bruk sang nan ye ka oh mai hu dalam mbang 1, dom sang ka oh duah mboh jeik bau talang di gauk gar dalam mbang 1 saong dom gauk gar tut angan hadei di harei 9-9 meda hu baha Kỳ Quang 2 rami ramik saong brei thau cambaih laih tukvak mai piah  di  anak tal.

Harei Sene Dolta di urang Khmer Nam bộ jeng yau di urang Khmer tỉnh Sóc Trăng lac dalam 3 harei, meng 16-18/9. Piah uan Sene Dolta di urang Khmer, dom urang pan akaok Tỉnh ủy, UB bhap bini tỉnh Sóc Trăng hu peih rilo bruk sangka tal raidiuk mbang ngui daok dang di mikva, yau ye nao ravang, alin hadiah pandap di 92 labik baha Khmer dalam tỉnh; taom gaok, pachreih ba, tadhau ayuh urang hu angan je dalam bhap bini Khmer, urang jakar taha umo thun, sang dsarak karja, urang padeih hưu, urang bangsa takik hadah krah, sang urang Khmer kan kathaot.

Mintri Quốc phòng Nga harei ni brei thau meda hu labaih 80.000 urang hu mbaok tame pasram tacei pato saong tham mưu Cáp-ca 2020 (Kavkaz-2020) hu peih tabiak di Nga meng harei 21 tal harei 26/9. Urak ni, langiu di negar ngak po peih tabiak lac Nga, hu 5 negar brei thau hu payua kapul hu mbaok tame pasram, lac Armenia, Belarus, Trung Quốc, Myanmar saong Pakistan. Labaih 250 radaih tăng, 450 radaih mesruh di bộ binh saong 200 hệ thống pháo saong tên lửa meda hu pandar dalam mbang pasram taong kalin ni. Bruk njauk caik hatai lac, Ấn Độ dahlau daih lac hu mbaok tame mbang pasram ni min hadei nan brei thau lac oh tame

Rajaei Mỹ khan lac meda brei padeih danak dak di Liên bang daong pabak kayua oh hu bruk ngak bo Tổng thống Mỹ Đô-nan Trăm (Donald Trump) brei ngak di bilan 3 piah daong jaik 30 triệu urang ngak oh hu bruk ngak, gaok kan kandah kayua jitd-19. Ini lac sa binah dalam kadung jien karja daong kayua Covid-19 yaom 2.200 tỷ đô la Mỹ hu Quốc hội Mỹ brei tapa di akaok thun ini. Tui danak dak, rajaei Mỹ meda pabak gac 600 đô la Mỹ jien daong ka yaok urang oh hu bruk ngak yaok adit, lingiu di pok jien daong oh hu bruk ngak di karja.

Dom mbang par dalam negar di Trung Quốc tal Vũ Hán daok hu peih veik yau dahlau di tuk tamuh tabiak jit Covid-19, dalam tuk dom mbang par di dunya daok hu peih gilac, dalam nan hu rilo jalan par tal dom negar Đông Nam Á. Harei 16/9, Vũ Hán meda trok mbang par pajeng tui negar langiu camriep di abih, labik par tal lac ban ine Seoul di Hàn Quốc. Mblang kapar haoh Thiên Hà jeng daok samar drah paglaong prien piah pajeng, pambuak viek saong peih gilac 9 jalan par pajeng pandap panda dunya yaok harei./.

Urang lang: Mousaphuong- Thu Thảo