Rilo  DN, menuac urang rik dong kudung jien ka bruk blei vacxin 

Pageu 4/6, Mentri Y te brei thau, dalam 12 tuk tapa, dalam negar hu 52 urang birau njom mbak Covid-19 di Bắc Giang, Bắc Ninh, Hà Nội saongThái Bình. Ta-eng di Ban raya HCM, tui Pasak pasang iek ruak kik Ban raya HCM, meng 18 tuk harei 3/6 tal mong 6 tuk page ini, ban raya hu veik 11urang jaik njom ruak birau daok cang Mentri Y te brei thau. Dalam nan 2 urang hu Sang iek FV dut mboh tuk mai labik ini iek ruak.

Jaik 146 tỷ đồng lac paok jien hu rik pataom tapa kadung jien Xã hội pahla hatung hatai ameh ngak bruk dalam mbang peih danak dak nhắn tin “abih rahra daong pacang caga jit ruak Covid-19 saong peih tabiak danak dak “Vắc xin ka urang ngak kong” bahrau hu Tổng Liên đoàn Lao động Việt Nam ba tabiak. Tui yaok pataom, tal urak ni hu 2.746 urang njom Covid-19 dalam dom urang ngak, yaok ratuh rabau urang ngak lac F1 saong F2; labaih 150.000 urang ngak njauk daok karei pataom gauk atau daok karei di sang, kayua hu blaoh urang ngak kong metai kayua Covid-19.

Ub bhap bini tỉnh Bà Rịa– Vũng Tàu birau hu harak payua tal Cục kapal haok Việt Nam jeng yau dom hãng kapal haok  brei padeih par tal Côn Đảo kayua atah baoh taneh, dom bruk pacang caga jit gaok rilo kan kandah yau nan ye pandap panda, urang y te saong bruk daong y te meng taneh tame kan sumu samar hu. Dahlau di nan, Bà Rịa – Vũng Tàu brei padeih dom jalan pajeng ba tuai damuai meng jalan tasik tal huyen Côn Đảo piah pacang caga jit Covid-19.

UBND tỉnh Bình Thuận ieu kakei dom kapul pambuak tal, pato tacei bruk daok karei pataom gauk atau daok karei di sang ngan haong abih tih dom urang mai meng TPHCM, oh caik kurang urang halei oh khik ramik, brei daok karei bo nao mai di dalam rahra. UBND tỉnh Bình Thuận jeng ieu kakei dom kapul pambual tal pasang iek veik dom bilai pasang iek y tế saong bruk pacang caga jit Covid-19.

Page ini 4/6, Pasak pasang iek ruak kik tỉnh B.Dương brei thau hu 4 urang njom Covid-19 di TP.HCM hu dut iek ruak mboh di Bình Dương, brei thau samar duah urang saong pacang caga di 17 labik pambuak tal. Pasak pasang iek ruak kik tỉnh jeng brei thau tapa ka urang kumei ruak ndih tapui 2002, daok di phường Mỹ Phước, thị xã Bến Cát, bhian nao tal Sang iek ruak Mỹ Phước saong sa bilik iek ruak gah langiu.Hadei tuk iek ruak samar mboh dương tính, urang ruak hu mek mau dut iek ruak RT-PCR brei mboh am tinh mbang 1.

6# Labaih 2 tỷ mbang vaccine Covid-19 hu klauk di 215 taneh ia di dunya, hadei di 6 bilan camriep danak dak klauk jru akaok meti pacang caga Covid-19. Israel, taneh ia dang akaok meng di tuk camereip ka bruk pakacah gauk klauk jru, jeng daok dang ka sa ngan haong jaik 6/10 bhap bini hu klauk jru ginup. Patui di nan lac Canada hu 59% rahra hu klauk takik di nyu lac sa mbang, Anh 58,3%, Chile 56,6% saong Mỹ lac 51%. Trung Quốc dang akaok kapul taneh ia klauk jru samar jang abih tuk klauk ka 1,37% rahra yaok harei

Nyaom biai dom Akaok Mentri Y tế Nyaom 7 taneh ia cong nghiep patagok dang akaok di dunya ( G7) kayua Anh peih ngak rah tabiak dalam 2 harei ( 3 saong 4/6), ngan saong bruk hu mbaok di Mentri Y tế dom taneh ia  Anh, Canada, Pháp, Đức, Italia, Nhật Bản saong Mỹ. Nyaom biai pataom tame ginum biai ka bruk klak rabha vaccine Covid-19 ka taneh ia kathaot jang, jeng yau dom janih ruak njom mbak tapa athur. Dalam mbang ginum biai saong dom Mentri Jien padai nyaom G7 di Luân Đôn di harei ini(4/6), Kadung jien Dunya, Gah Y te Dunya  saong Gah Pablei salih di Dunya meda pathau khan sa jalan taduan vaccine di dunya, tui kuhria mboh dahlau labaih 50 tỷ dola Mỹ.

Rajaei Indonesia meda oh brei adat ka bhap bini negar ni nao tal Mecca piah ngak rukun Hajj. Ni lac mbang ka dua negar ni oh brei nao ngak 1 dalam 5 rukum di urang Islam kayua huac ngak tamuh tabiak khang jit ruak Covid-19. Mintri dom bruk agama Indonesia brei thau oh ta-eng hagait Indonesia bo tal urak ni ka oh hu taneh ia halei hu Ẩ-rập Xê-út brei adat ba menuac tame ngak rukun haji. Thun 2020, Ả-rập Xê-út tok brei adat ka dom pluh ribau bhap bini dalam negar saong rahra negar langiu daok di taneh ia Trung Đông ni nao ngak rukun haji meng harei 29/7 - 2/8. Yaok urang njauk ngak catang bruk daok karei y tế dahlau saong hadei di tuk hu mbaok tame./.

Urang lang: Hanipha- 4/6