Anek saih Sang bac THPT Mạc Đĩnh Chi ( Q.6- Ban raya HCM)

Dalam thun bac bahrau 2020-2021, Mintri pato magru ieu kakei gah pato magru patui jalan pataom tame peih ngak 9 bruk hu makna praong abih saong 5 jalan langyah praong, Jalan ngak puac abih lac salih bahrau saong khik ginup chất lượng pato magru. Dom tinh, ban njauk peih bruk pa-atah di gauk, daok karei piah pacang caga jit meda peih bruk pato saong bac online tapa internet saong di mangaok riyah papar binguk tui kadha “padieh tal sang bac, oh padieh bac”, paih ngak 2 bruk lac gam pacang caga jit siam lagaih, gam khik tanat jalan ba tabiak di thun bac.                 

UB bhap bini  ban raya HCM bahrau jao  Sở pato megru ban raya  mong iek jit  Covid-19 dok di ban  piah samar tacei pato bruk mek song pandar học phí, dom janih jien karei yau jien pato bac online, khik ka njauk bruk batabiak . Ban raya peih bruk oh mek jien atau patrun jien bac  song don jien bac ka anek saih  , sinh viên meng thun bac  2016-2017 tal abih thun bac  2020-2021, saong  meda ramik veik tuk hu salih karei. UBND ban raya HCM hu panuac ieu  UBND dom  quận, huyện batabiak "Bruk bayar jien oh pandar jien mbaok dalam sang bac " ka taong abih dom sang bac  tui pakat khik ramik.

Blah báo pato magru đại học (Times Higher Education) brei thau bruk dak hạng đại học dunya thun 2021. Tui nan, ini lac mbang ka 2 Đại học pakat negar Hà Nội hu tame kapul 801-1000 dunya saong jeng lac labik pato magru duy nhất di Việt Nam daok dalam kapul 1.000. ĐH pakat negar Hà Nội jeng dang akaok ka dom chỉ số ka bruk pato pakai, roh duah ilamo, chỉ số trích dẫn saong mbiek drei tame dunya. ĐH pakat negar ban raya HCM dang akaok ka chỉ số jien mek tame meng doanh nghiệp.

Yam tapa dom kan jandah ka bruk bayar jien mek veik taneh song bruk kan kandah di jit  Covid-19, Tổng Công ty truyền tải điện pakat negar,  Ban khik ramik dự án dom danak dak điện gah merong  dok kham merat ngak ka pahu bruk đóng điện tuk vak  1 bilai  biến áp 220 kV Tây Ninh 2 dalam puac bilan  9 thun ni. Danak dak piah khik ramik  pabak  điện ka  Khu công nghiệp Phước Đông - Bời Lời, huyện Gò Dầu song dom labik dok jiak tapen  di tỉnh Tây Ninh. Bruk ba tame pandar  Bilai biến áp ni dong patagok kinh tế-xã hội, khik caga siam mekre  quốc phòng di  tỉnh Tây Ninh song abih bhum  Tây Nam bộ.

Vaktu trun pajaih vụ mùa di Bình Thuận meng akaok bilan 9 tal harei 30/10/2020. Ini lac vaktu suai abih dalam dom thun tapa. Kayua langik pandiak bhang dui atah, ia di dom binek oh ginup ka bruk pala drak yau nan ye di pak ni njauk padieh pala drak bilan hè thu suai jang dut saong jalan ba tabiak. Bilan hè thu, taong abih taneh pala dalam tỉnh ngak hu 87.638 ha, mek hu jaik 97,7% jalan ba tabiak. Dalam nan hu labaih 42.600 ha padei. Vaktu ni, urang ngak nong di dom palei daok yuak labaih 8.000 ha padai tathak, năng suất hu glaong.

Di Trung Quốc, tuk thun bac bahrau hu peih tabiak, sinh viên dok veik  ký túc xá di ban ine  Bắc Kinh ngan song dom jalan pacang caga song pasang iek catang  jit  Covid-19.  Ủy ban pato pakai ban Bắc Kinh brei thau, tui bruk batabiak, dom sang bac đại học hu adat peih pambah mbang gilac meng  harei  15/9 di ban ni. Di  Đặc khu hành chính Hồng Công, anek saih  tame thun bac bahrau, min njauk bac online di sang.

Di Ấn Độ, labaih 2 triệu sinh viên cuk pataih pacang pambah daok tame mbang pacacah tame dom sang bac đại học y saong kỹ thuật di dalam negar dalam tuk dom urang njom virus SARS-CoV-2 tagok tal jaik 3,7 triệu. Dom adat ka bruk paatah di gauk, rao tangin hacih saong dut iek pandiak dalam rup hu ngak tui. Mbang pacacah ni njauk padieh 2 mbang dalam thun ni kayua jit ruak rahtabiak sarau kadhau.

  Amazon brei thau, Jabat Hàng không Liên bang Mỹ (FAA) jao harak brei adat ka kapul  pandar kapan haoh oh hu urang peih piah pajeng pandap panda  angaok bhum taneh negar ni. Tui jalan ngak prong nan, FAA cong khin peih bruk pajeng ba  pandap panda grauk labik di dunya dalam harei anak tal. Công ty oh padeih patagok  song pasiam jalan ngak, jang yau kak kajap  song  FAA song dom jabat khik ramik karei di dunya piah peih bruk “pajeng ba samar dalam 30 minite”./.

Urang lang: Thu Thảo & H.Pha  5/9/2020 13:07:08