Lambaok Ban Bí thư, ong Võ Văn Thưởng, Thường trực Ban Bí thư birau mbaoh tangi tame  Sarak  05-CT/TW harei 23-6-2021 di Mban Bí thư ka bruk brei pakhang bruk tacei ba jalan di Đảng ngan saong bruk patrun kan kathaot khang kajap tal thun 2030. Sarak 05 hu tacei tabiak cambaic laih dom bruk, dom jalan ngak praong piah ngak hu jayak bruk trun kathaot rilo gah khik brei trun meng 1- 1,5% dalam sa thun bo Sarak Nyaom roya Đảng hu ba tabiak blaoh; kham merat tal thun 2030, oh daok huyen kathaot, xã biak kan kathaot.

  Tui Cảng vụ Hàng hải Vũng Tàu, yaom lac gaok kan kandah di jit ruak Covid-19, dom pandap panda tapa pabah lamnge dalam 5 bilan akaok thun 2021 jeng hu 48.279.354 tấn, rilo jang 9% duk haong dom bilan ini thun blaoh, dalam nan pandap container tagok jang labaih 38 %. Ong Lê Văn Thức, Yam ndok Cảng vụ Hàng hải Vũng Tàu brei thau, anak tal, gam haong bruk tacei ba kapal gilai, Cảng vụ brei pambuak bruk haong gah chức năng peih ngak siam bruk pacang caga jit Covid-19 ka dom urang nao kapal, gilai.

Tui kuhria dahlau di Mentri Pato megru, mbang 1 pakacah THPT thun 2021 meda peih tabiak dalam dua harei lac 7 saong 8/7/2021. Dalam Ban raya HCM hu labaih 88.000 anek saih tut angan pakacah di 155 labik pakacah. Mbang ka 2, brei ka dom anek saih gaok kan kandah kayua jit Covbid-19, nan lac  dom anek saih F0, F1, F2 tui parabha di gah y tế, anek saih daok di labik njauk pacang veik, brei pa-atah di gauk tui bruk ba tabiak di Thủ tướng piah ngak tui samar chip bruk pacang caga jit Covid-19.

Patui bruk jak jeng di thun 2020, danak dak “Triệu var lisei 2021” hu peih ngak veik piah daong ka dom rahra sang kan kandah, abih di nyu lac di dom tỉnh, ban daok gaok kan kandah trak dalam jit praong COVID-19.  Danak dak hu ba tal tangin 240.000 pok pandap mbang brei ka 16.000 menuac gaok kan kandah di jit ruak COVID-19, hu peih ngak dahlau di 5 tỉnh, ban daok dalam pasak jit, lac Bắc Giang, Bắc Ninh, TP Hồ Chí Minh, Hà Tĩnh haong Nghệ An. Danak dak kayua Kapul dam dara Việt Nam pakat negar pambuak bruk haong Cty Thực phẩm PepsiCo Việt Nam (PepsiCo), Cty TNHH Nước giải khát Suntory PepsiCo Việt Nam (Suntory PepsiCo Việt Nam), kapul CARE dunya daok di Việt Nam haong kadung jien daong danak dak an sinh xã hội pambuak gauk peih tabiak.

Mentri Ilamu the thao saong Dulich birau hu harak payua Mentri Lao động – Thương binh saong Xã hội likau Thủ tướng Rajaei dom jalan daong urang ngak saong urang pah manuac ngak, dom nghe si ngak bruk gah bieu dien, urang ba manuac nao rivang main dulich gaok  kan kandah kayua jit Covid-19. Hu thau, meng kaok thun 2020 mbiah tal ini, dom nghe si ngak bruk daoh tamia, dom urang ba manuac nao rivang main dulich meda lac oh hu bruk ngak kayua jit Covid-19 oh brei peih bruk pataom rilo manuac.

Sa roh duah bak siam mekre meng Tây Ban Nha brei mboh lac vaccin pambuak haong rilo janih jeng hu salamat saong meda pabak hu bruk oh njauk ruak biak khang. Ini meda lac jalan peih tabiak piah khik siam mekre vaccin dalam tukvak suai lavik. Tui nan, vaccin siam di abih mboh lac meda pandar haong rilo janih vaccin. Piah pacang dom biến thể, dom Cty jru yau Moderna hu roh duah vắc xin klauk veik pacang yaok janih biến thể.

Gah Y tế dunya WHO brei thau urang njom Covid-19 di châu Phi daok tagok samar oh  ka bhian mboh dalam tuk bhum taneh ini daok dang anak bruk jit ruak njom mbak mbang ka 3 saong bruk nan meda ngak kan kandah trah tal labik sang iek ruak, pandap pandar , mac jam raih piah iek ruak công cộng labik ini. Bruk nan kayua dom taneh ia brei cadu dom jalan pacang caga njom mbak di virus SARS-CoV-2, langik la-ar saong dom anek ruak bien the birau.

Dom urang peih Thế vận hội Tokyo  brei thau bruk pandar pandap menyum hu cồn dalam dom labik di Thế vận hội peih tabiak di bilan anak tal njauk pakauk yau sa binah di dom jalan pacang cakak bruk njaom mbak di Covid-19.Tui nan, dom bruk yau ba tui atau parang pablei pandap menyum hu cồn di dom labik pakacah jeng njauk pakauk. Lingiu di nan, urang tame iek bo rup pandiak meng 37,5 độ C tagok atau dom urang mboh yau rup daok ruak pandiak jeng oh brei tame iek dom mbang pakacah./.

Urang lang: M.Phuong & A.Nghiem - 26/06/2021