Rilo urang hu panuac tangi sua di nyaom roya 

Đảng bộ ban  Sài Gòn - Chợ Lớn - Gia Định – ban raya  Hồ Chí Minh hu padang biak avar , bilan 3-1930, hadei di tuk  Đảng Cộng sản Việt Nam tabiak rai, jeng lac sa dalam dom Đảng bộ tabiak rai avar di abih dalam negar piah tacei ba bruk cách mạng di ban

Dalam saman mesruh pacang khol khamang, Đảng bộ ban raya hu tacei ba  bhap bini  Sài Gòn - Chợ Lớn - Gia Định gam song gah merong daning ban taneh ia “nao dahlau, mai hadei ” dalam bruk mesruh pacang kol  thực dân Prang  song đế quốc Mỹ piah tal  mon 11 meteh harei  30-4-1975, hala dok di Mặt trận bangsa peih paha gah merong negar Việt Nam par tagok angaok tabung Dinh Độc Lập, brei mboh tukvak hadah hadai bangsa drei mek hu jayah, taneh ia sron mbon, yasa, độc lập song bebas tự do.

Kuhria meng di tuk sajarah nan, ban  Sài Gòn - Chợ Lớn - Gia Định – ban raya  Hồ Chí Minh song gah merong negar hu peih paha tong abih, Đảng bộ daok patui bruk tacei ba bhap bini ban raya pasiam dom khut tayah di mesruh metak, dak padang veik palei negar dak harei dak kaya meda. 

45 thun tapa, Đảng bộ ban raya  hu 10 mbang nyaom roya; yaok mbang nyaom roya lac sa canah jalan Đảng bộ patagok song dak harei dak siam tagok. Patagok bruk ngak meng kan di rai ong muk nao dahlau, Đảng bộ ban raya angan Wa – ban raya HCM hu rilo sarak, jalan ngak njauk, hadah krah, njauk hatai bhap bini , dak harei dak pasiam  song patagok  kinh tế - xã hội; khang takai yam tame vaktu salih bahrau kayua Đảng drei batabiak song pal akaok, ba pren yava tabiak ka bruk patagok sản xuất, dak harei dak brei mboh labik dang di drei lac “akaok baoh kapal  kinh tế di taneh ia”; patagok bruk di ban raya HCM lac “gam song taneh ia, brei ka taneh ia”, kham merat paglaong rai duik mbang ngui dok dang, jalan sahneng di bhap bini.

Bruk ngak hu dalam yaok mbang nyaom roya Đảng bộ ban raya dak brei mboh bruk njauk di jalan salih bahrau di  Đảng, di sarak song hukum karja song pakhang hatai jia di bhap bini . Đảng bộ song bhap bini ban raya biak hadah mbaok meta kayua lac “ban prong biak karei, sa pasak prong gah  kinh tế, ilamu, pato megru, KH công nghệ, labik taom gaok saong ba drei tame dunya, lac akaok kapal, hu pren dui pachreih song pambak praong di bhum kinh tế prong di gah merong, hu labik dang prong dalam negar” hu rik dong pren yava, ilamu song bruk ngak di drei tame  bruk hong gauk, gam song Đảng, bol bhap rahra  song bol bala  dak padang taneh ia dak harei dak “siam jang, prong mekre jang”, yau panuac kakei di Wa Hồ praong uranam.

Di tuk pahadar 45 thun harei peih paha gah merong negar, yasa taneh ia  (30-4-1975 - 30-4-2020), ong  Nguyễn Thiện Nhân, Ủy viên Mintri  Chính trị, Bí thư Thành ủy TPHCM brei thau dom bruk ngak prong di thun  2020 lac : “patui jalan patagok dom pren khang piah ngak  ka nyu salah bloh bruk  patagok  kinh tế - xã hội 5 thun 2016 - 2020, Sarak Nyaom roya  Đảng bộ ban raya mbang ka  X, Sarak nyaom roya  mbang   XII di  Đảng, Sarak  16-NQ/TW di mintri  Chính trị ka bruk patagok ban raya HCM tal thun  2020 song Sarak  54 di  Quốc hội ka bruk ngak iek jalan ngak, sarak patagok di ban raya  HCM”./. 

Urang lang:Hanipha-15/10