Jak jeng mneg bruk salih bharau jalan ngak gah halau ia

Bình Thuan nan lac sa dalam dom tỉnh thu lagu di abih dalam taneh ia. Bilan pandiak bhang pak tỉnh ini dui atah tal 9 bilan, ngak kurang ia rilo. Anak dom kan kandah meng langik tasik, tỉnh hu rilo jalan ngak piah mek hu jayak ka bruk salih bahrau jalan ngak gah halau ia.

Dalam langik pandiak bhang catang, ong Nguyễn Vĩnh Cửu, palei Thắng Hiệp, xã Hàm Thắng, huyện Hàm Thuận Bắc daok iek glang bein thanh long that hijao, bak baoh yaom lac karei bilan. Ong khan lac dahlau diah sang ong ngak padai, taong abih pambak tame ia langik nan ye raidiuk oh hu tani tanat. Min meng tuk palei hu ia meng binek kraong Quao, ong salih tapa pala thanh long; camereip pala 100 got , mbiah tal ini tagok jaik 2 ribau got brei baoh luac thun. Sang ong jeng hu salih bahrau meng halau ia nan. “Meyah oh hu ia ye drei oh thau ngak hagait. Ong muk drei lac “ ka sa ia, ka dua khak, ka klau tari tareng, ka pak nan lac pajaih”. Hu ia piah pala drak gam hu điện piah pandar. Thanh long bo oh hu ia, oh hu điện ye ngak hagait hu. Ia ngak ka raidiuk bhap bini patagok biak ralo, lagaih jang meng kan biak rilo, urak ini sang halei jeng praong siam”.

Meng hu dom binek ribaong kraong, ba ia tame mblang hamu nan ye mikva urang peih praong taneh pala thanh long. Sa-ai Trương Văn Thái, daok padang got, caoh ribaong ba ia ka thanh long chreih  chrai lac: “ Dahlau diah oh ka hu halau ia ini mikva urang ngak padai ralo, bo  padai ye pablei yaom lap, raidiuk mikva krang anak kurang likuk. Tuk hu ia mikva salih tapa pala thanh long abih kayua thanh long pablei hu yaom, dalam thun brei boah rilo vụ, jien mek tame luac thun. Rilo urang pala rilo jeng  ngak kaya meda”.

Meng camereip nan lac binek ia kraong Quao, hu ba tame pandar di thun 1997 saong nyu padang hu 73 triệu met khoi ia, ba ia pruh ka labiah 13 ribau hecta, urak ini rilo danao ia, ribaong kraong hu padang ngak saong ba mai kein laba. Langiu dom kraong ribaong, dom binek ia praong yau Sông Quao, Cà Dây,  Lòng Sông,  Sông Móng, kraong Dinh 3…dalam tỉnh ini daok hu rilo binek ia sit, dom balai njuk pruh ia meng điện; dom ribaong pambuak ba ia praong yau  riboang ba ia 812- Châu Tá- Sông Quao, Cà Dây, ribaong Sông Móng- Đu Đủ- Tân Lập, danak dak ba ia Phan Rí- Phan Thiết…meng hu dom binek ia, dom kraong ribaong angaok nan, taneh pala drak dak harei dak peih praong. Meyah thun 2001, dom binek ia kraong ribaong di tỉnh ba ia pruh ka labaih 44 birau hecta yaok thun ye 10 thun hadei , taneh pala drak tagok 2,2 mbang tal labaih 97 ribau hecta yaok thun saong tal thun 2014, labaih 114 ribau hecta. Taphia di nan, ribaong kraong daok pabak ia pandar jaik 20 ribau met khoi yaok thun,  ta-eng binek kraong Quao jeng ba ginup ia pandar ka ban Phan Thiết saong huyện Hàm Thuận Bắc.

Hu ia, dom labik taneh bilau thu lagau hu me-om sre sambo hijao di phun padai, di phun thanh long…Ia tame tal halei, padai, thanh long tamuh tal nan, radiuk bhap bini dalm tỉnh dak harei dak cak rok patagok. Tuk bruk ngak nong patagok, hu dui bruk ngak kong, bruk pablei salih, dulich tỉnh patagok tui. Meng nan, jien mek tame yaok tui akaok menuac kuhria rah tapa thun 2010 di tỉnh Binh Thuan hu 1.090 đo la My, tagok jaik 3 mbang dut saong thun 2005 saong thun 2015 tui kuhria mboh dahlau meda glong jang jaik 2 mbang dut saong thun 2010.

Patui veik bruk buh jien padai tame ngak ribaong kraong, thun 2014 ini, dalam tuk daok kan kandah, kurang rilo janih, tinh Binh Thuan jeng hu caik tabiak 50 tỷ đồng gam saong 250 tỷ đồng di Rajaei piah cak rok patagok gah ribaong kraong. Ta-eng Cong ty Pandar danak dak ribaong kraong di tỉnh jeng hu buh tabiak 30 tỷ đồng ka bruk pasiam veik dom danak dak thủy lợi. Min suai lavik, piah hu ia pruh ka taong abih taneh pala drak ye njuak brei hu jien buh tame ngak veik dom danak dak binek ia karei karei…Tỉnh Bình Thuận jeng daok pasang iek taong abih, mek ribaong kraong ngak tieu chi taong yaom ka bruk padang ngak palei pak birau. Ong Huỳnh Văn Tí, Ủy viên Trung ương Đảng, Bí thư tỉnh ủy tỉnh Bình Thuận khan lac: “ Mbiah tal urak ini gah barak tỉnh dom danak dak ribaong binek ia praong hu ngak salah saong ba tame pandar blaoh, gah meraong tỉnh dom danak dak daok ngak hu meteh. Khol dahlak jeng daok kham merat ngak habar tal thun 2015 gah meraong tỉnh hu ia mai. Meyah ngak hu bruk nan,  ye Binh Thuan meng labik lac tỉnh thu  lagu kurang ia jeng tỉnh hu ginup ia. Meda lac ini bruk salih  birau  biak praong mboh di meta di bhap bini tỉnh Binh Thuan jeng yau gah ngak nong, urang ngak nongi dalam tỉnh”.

Dom harei ini, pandiak bhang bilan 4 oh cakak hu ia laar daok nduac, daok sraiy tame mblang hamu, ba mai sambo hijao ka harei hadei hadah hadai. Meng dom kham merat di drei, Ndang mbo, karaj saong bhap bini Binh Thuan ngak hu ia, oh daok cang ia lingik piah jayak  langik tasik, yam tagok tabiak truh kan kathaot iek lipa. Bruk cách mạng gah ia hu jayak praong di bhum taneh bak pandiak saong hangin di bhum Nam Trung bộ ini./.