Rilo urang ngak hu klauk jru vaccine piah pacang caga ruak 

Jala pandiak 15/6, Mentri Y tế brei thau, dalam 6 mong tapa, Viet Nam hu 118 urang birau njom ruak Covid-19 dalam negar di Bắc Giang, TPHCM, Bắc Ninh, Hà Tĩnh, Lạng Sơn saong Hà Nội, dalam nan hu 111 urang ruak dalam labik brei daok karei atau labik pacang veik. Di Ban raya HCM, kuhria tal jala pandiak harei ini hu 382 labik pacang caga, Gò Vấp yak klak 12 labik pasang iek jit Covid -19 hadei di dua adit pa-atah xa hoi.

TP.HCM pok panuac likau Thủ tướng brei ka dom doanh nghiệp di dalam ban raya hu ginum biai duah labik blei vaccine caga Covid-19. Panuac nan hu UBND ban raya ba tame harak ka bruk blei saong pandar vaccine caga Covid-19  bahrau payua tagok Thủ tướng. Tui UBND TP.HCM, jit ruak daok njom mbak biak sarau kadhau di ban raya, dom urang njom ruak dak harei dak tagok. Tal urak ni, dalam ban bahrau hu 140.000 mbang vaccine caga Covid-19, dalam tuk ban raya hu labaih 7,2 triệu urang meng umo 18 thun tagok, 1,6 triệu urang ngak. Jalan ba tabiak di ban raya HCM lac klauk caga Covid-19 ka labaih 70% bhap bini.

Page ini 15/6, Pasak Pasang iek ruak kik tỉnh Đồng Nai brei thau, sa urang likei ngak kong umo 38 thun di Công ty TNHH Map Pacific Singapore dalam Khu công nghiệp Amata dut iek mboh dương tính SARS-CoV-2. Tui Pasak Pasang iek ruak kik tỉnh Đồng Nai, yaok harei, urang nan nao ngak bruk meng radaih pajeng raok nao mai meng TP.HCM saong Đồng Nai. Page harei 11/6, urang ini ndik  radaih pajeng raok tame kong ty saong payua harak padeih bruk. Gah Y tế duah hu 61 urang F1 saong jaik 100 urang F2.  Công ty Map Pacific Singapore daok brei pacang veik.

UBND tỉnh Bình Phước bahrau hu harak pato jalan peih veik dom labik pablei salih di labik saong pablei salih nao mai piah daong ka urang nong pablei kaya nong, pabak ka manuac blei pandar. UBND tỉnh jao ka Sở Công thương jhul samar bruk pablei salih dalam taneh ia, pachrieh bruk blei pandar, pieh praong bruk ba pandap tal bhum atah bayah. Di labik pablei kaya nong kayua kapul urang ngak nong Bình Phước peih tabiak meng akaok bilan 6, tal dah page 12/6 pablei hu 500kg kruac bung, 2 tấn dưa lưới… di urang nong dalam tỉnh saong 24 tấn lasun di urang nong Sóc Trăng...  

Dua danak dak dulich nan lac Sài Gòn Time saong sang padeih padei di Tổng cục Cảnh sát (klak) praong labaih 10 ha di xã Phước Thuận, huyện Xuyên Mộc, tỉnh Bà Rịa-Vũng Tàu tual klaak dalam rilo thun ini mai kayua suai buh jien tame ngak saong oh daok caong hu pandar, njauk urang lih mek ngak labik pablei salih, birau hu tỉnh Bà Rịa-Vũng Tàu mek veik piah ngak labik menei công cộng. UB bhap bini brei thau, dua danak dak nan hu jao ka huyen Xuyên Mộc padang ngak danak dak pasiam veik.

Gah Y tế dunya (WHO) harei ini hu panuac lac, virus SARS-CoV-2 daok njom mbak biak samar jang dut saong bruk parabha vaccine di dunya, abih di nyu nan lac kayua dom biến chủng bahrau yau ye An-pha (Alpha) saong Đen-ta (Delta). Bruk ni brei thau lac bala daok dak harei dak tagok ngan haong dom urang ka oh klauk caga vaccine, meblah praong abih di rahra dalam dunya. Urak ni dom urang njom Covid-19 bahrau daok trun di dunya, min dom urang metai oh mboh trun, tal harei ini hu labaih 3,8 triệu urang metai kayua nCovi.

Bruk tamuh khang bahrau di jit praong gam haong bruk oh daok laneing ndih iek ruak ka dom urang njom Covid -19 daok ngak ka Indonesia dang anak bruk jit ruak mbuan tamuh khang. Dom urang njaum birau yaok harei di taneh ia ini tagok jaik 10.000, kuhria abih tih dom urang ruak di Indonesia tagok tal 1,9 triệu. Mentri Y te Indonesia kuhria mboh dahlau lac, tabung jit Covid-19 rah tabiak dalam bilan 7, dom adit hadei padeih roya Eid Al-Fitry di urang Islam kayua bruk nao mai rilo di bhap bini, abih di nyu lac bruk daok kandauk mbuan njom mbak di biến thể mới virus SARS-CoV-2.

Cty công nghệ sinh học Mỹ Novavax brei thau: vaccine Covid-19 bahrau di Cty ni hu brei mboh cambaih laih bruk salamat saong siam lagaih 90,4%; vaccine 2 mbang klauk jeng mek hu siam lagaih 100% dalam bruk pacang caga ruak mbiah saong trak, 93% siam lagaih ngan haong dom biến thể. Cty ini daokkuhria ngak harak likau adat tagok Cục khik ramik pandap mbang saong jru tavao (FDA) dalam quý 3. Novavax brei thau lac urang daok ngak hu 100 triệu mbang yaok bilan di puac quý 3 saong 150 triệu mbang yaok bilan di quý 4 thun 2021./.

Urang lang: Thu Thảo -Ái Nghiêm-15/6