Pathau mik va song tong abih gauk!

Njuk pakao, menyum alak, khik tagei, cambuai oh siam…lac jalan mbuan ba  tal ung thư amidan. Bác sĩ Lâm Đức Hoàng, urang dang akaok Khoa Xạ 3, sang iek ruak Ung bướu ban raya Hồ Chí Minh  brei thau, ung thư amidan lac ruak bhain gaok,  hu 13-15% dalam  dom ruak ung thư labik kaok, takuai. Urang likei njauk ruak rilo jang 4 mbang urang kamei, bhian gaok di umo meng 50-60 thun.Kadha “ Urang iek ruak” adit ni, daa mik va song tong abih gauk duah thau ka jalan ba tal ung thư amidan njauk plaih njaik.

Amidan dok di 2 gah tarakon dalam cambuai, meda mong mboh tapa camin atau pasang đèn pin. Tui kuhria di sang iek ruak Ung bướu ban raya Hồ Chí Minh thun 2007, labaih 90% ung thư amidan duah mboh tuk ruak biak trak.

Kadha piah thau lac ruak oh cambaih laih

Tui bác sĩ Hoàng, dom kadha piah thau lac ruak oh cambaih laih, bhain mboh dalam chuyên khoa tanye dhung tarakaong.

- Luan tavak: Lac kadha avar di abih, mboh dreih yau hu hagait sit atau gam talang ikan di sa gah dalam tarakong, dui atah labaih sa bilan. 

- Luan pandik: Lac kadha bhain mboh di abih, brei thau lac ung thư daok tamuh tabiak. Urang ruak oh sangka, oh nao iek ruak avar, kayua luan pandik bhain mboh tuk pandik tarakaong.

- Kakhac tabiak darah, kan peih pambah lac tukvak  bướu nyu pambak praong song mbang tal cơ hàm mặt.

- Hạch takuai: Hu oh takik urang ruak nao iek ruak kayua hu hạch cổ, min pasang iek cambaih laih mboh ung thư  di  amidan. 70-80% ung thư amidan tuk chẩn đoán hu di căn hạch.

Amiđan lac labik nhạy cảm

Tuk pandik tarakong, urang ruak bhian sahneng lac dom kadha nan kayua ruak  cảm atau viêm amidan min. Urang ruak saheng lac blei jru menyum ye abih ruak, song oh thau nan lac kadha di ung thư amidan.Tuk urang ruak brah amidan sa gah bhian hu tacei brei cakak amidan atau sinh thiết. Urang cakak amidan bloh, ye vùng hố amidan dok veik meda ruak ung thư.

Dom jalan mbuan tal tal ruak

- Njuk pakao , ruak amuh tabiak suai atau livik tui bruk njuk pakao rilo atau takik, livik thun atau bahrau njuk .

- Menyum alak mbuan si njauk ruak  jang 6 mbang. Gam jnuk pakao gam menyum alak mbuan si jang 15 mbang.

- Langiu di bruk khik tagei, cambuai oh siam, viêm nhiễm mạn tính jeng mbuan ba tal ung thư amidan.

Tui Bác sĩ Hoàng, urang ruak diuk hu 5 thun hadei  di iek ruak tuk vak 1 lac 80-90%, tuk vak  2 lac 70-80%, tuk vak  3  dok  60-70% song tuk vak 4 dok 30-50% min./.