Camereip di abih lac jalan  palih pajaih thanh long ralo bhong. Mik va njauk palih pajaih hom atah meng 30-40cm, dhar prong song khang, oh hu halak. Hom meda giâm dahlau  di tuk pala. Hom brei caik di dom labik takik hu ia harei mbiah tal tuk dhar tabiak gha song tabiakcaduk bahrau. Atau meda pala tapak langiu hamu.

Bilan pala thanh long ralo bhong, mik va meda pala di tuk vak halei dalam thun jeng hu. Min piah abih takik jien pruh ia, mik va njauk pala di tuk akaok bilan hajan ( meng bilan 3-4 saka ia harei)

Jalan pala yau ni: Camereip di abih, mik va caik lõi phun thanh long trun haluk, daok rup phun thanh long kajap tame gheng. Hadei di nan, mek talei nilon kak dhar tame gheng. Yaok gheng caik 4 hom. Hadei di nan, yaok harei pruh ia 2 mbang mbaih tal tuk phun tamuh tagok. Iek tui langik bo pruh ia ka phun, oh caik ka phun thu lô atau pasah lô. Sangka brei tathuak ia tuk hu hajan ia sua. Siam di nyu yaok hecta pala 1100 gheng, phun ni atah phun deih 3m. Yau nan, phun meng ginup laneing lanoi saong pabak hu dinh dưỡng meng taneh.

Mik va sangka cakak dhar ka phun thanh long. Meng mbaok haluk tal akaok gheng caik veik sa dhar. Dalam tuk vak ni, mik va caik hatai kak dhar gam tame gheng piah gha di dhar gam khang tame gheng, daong ka dhar oh jaoh tuk gaok hajan, hangin.

Pathau mik va saong taong abih gauk, Thanh Long ralo bhong biak mbuan njauk dom janih yau dum, ruồi mbang baoh. Kayua yau nan ye, mik va brei tui iek tani tanat piah samar mboh ruakkik, halak halin. Langiu di nan, mik va buh khak hala piah pachreih phun samar tabiak bingu, ngak brei kanduk jangaih, boh prong song khang. Brei padeih pruh khak hala dahlau di tuk paik boh 2 adit.

Angaok nan lac dom ilamu song jalan iek glang phun thanh long ralo bhong. Tadhau yhuh ka mik va hu sa bilan pala thanh long ralo bhong hu kein liba. Kadha: urang ngak hamu cong thau  adit ni tal ni likau padeih. Kadha ni kayua Rayo sap ndom VN pambuak song pasak pachreih nong pakat negar ngak./.