Urang ruak meda eng drei iek ruak meng uh ngải

Pandik bara cambaoh takuai lac ruak cấp tính, oh ba tal metai lahik, min meyah caik suai lavik, oh iek ruak samar drah meda ngak brei kan kandah tal raidiuk saong bruk ngak. Pandik bhain rah tabiak chip di sa gah atau di dua gah meng labik takuai, gah likuk takuai blaoh trun tal bara saong tangin. Urang ruak oh mbaiy takuai hu atau mbaiy hu min biak kan kandah kayua takuai nyu khang saong pandik. Dalam y học cổ truyền hu rilo jalan iek ruak pandik bara, pandik takuai oh pandar jru ba mai siam mekre yau: Châm cứu, capat, bấm huyệt.

Pak di sang, urang ruak meda eng drei iek ruak meng uh ngải, jalan ngak yau ini:

Urang ruak caga sa kilo sara asar, hana pandiak blaoh buh tame kadung  khan bai kak sre dua akaok; hadei di nan prai sa tal hala ngải cứu that tagok angaok saong mek blah khan bai atau blah khan uak mbaok lang tagok sa tal ngải, ngak jeng patal piah caik tagok takuai .

Yaok harei urang ruak njauk ngak meng 1 tal 2 mbang. Pandiak meng sara hana saong pahe di jru ngải cứu meda daong ka dom cơ di bara nyu talang tabiak, rah darah nyu nduac siam, dom chất oh siam dalam darah hu tathuak tabiak.

Tuk patal nan nyu la-ar, drei yuh kadung brei ka dom asal sara daok pandiak gah dalam bleik tabiak gah langiu. Sara asar meda pandar hu rilo mbang tuk caik dalam kadung hacih, tok salih tal ngải cứu papaok gah langiu.

Tuk uh, urang ruak njauk caik hatai uh ka pandiak nyu laghaih haong kalik, plaih di pandung. Gam haong nan, urang ruak meda mek tangin capat labik takuai ngak ka rak lamin tabiak, atau pak dua gah tangin veik blaoh sah khang tame labik gah likuk takuai mbiah tal tuk klik takuai nyu pandiak tagok jeng meda ngak trun pandik.

Bác sĩ jeng hu kakei lac, piah caga pandik bara, takuai, yaok harei khaol drei njauk pasram rup pabap rilo. Ngan haong urang ngak bruk daok la lavik di sa labik,  hadei di yaok 45 minit njauk caik tabiak 5 minit padeih padei, mek tangin sah, capat labik takoi, gah likuk takuai, mbaiy takuai nao mai ka nyu abih lagah; bhian ma-in padhih the thao. Tuk ndih juai ndih patal glaong, ndih di labik laneng lahơi, plaih labik hu angin yuk./.

Urang lang: Jasi – 18/02