Pathau mikva saong taong abih gauk! Tukvak tapa, dom tapon nyaom bol pan phao kraong saong urang dahlau ngak boll in tỉnh Đắc Lắc hu ralo bruk ngak siam, jalan ngak gheih daong ka bhap bini patruh eik patrun kathaot, patagok kinh tế - XH di tỉnh. Bruk ngak jalan mbak nao mai di phường Khánh Xuân, ban Buôn Ma Thuột lac sa điển hình. Tapa dom bruk ngak siam lagaih nan hu rik daong pakhang, patagok talei pambuak bruk khang kajap di urang jakar, urang lin saong bhap bini puk palei. Kadha vak di urang vak di rayo sap ndom VN daok di bhum Tây Nguyên.

Jalan angan “đoàn kết quân dân” atah labaih 2km, meng pasak phường Khánh Xuân, ban Buôn Ma Thuột, tỉnh Đắc Lắc  tame tổ dân phố 1 – labik hu ralo mikva tui công giáo hu tuh bê tong khang kajap, praong, tapak, daong palagaih bruk nao mai ka labaih 100 baoh sang. Urang dahlau daih ngak bol lin angan Nguyễn Văn Lâm, tổ dân phố 1, phường Khánh Xuân lac sa dalam dom urang camereip brei taneh, peih jalan, gam saong urang jakar, urang lin Bộ chỉ huy quân sự tỉnh Đắc Lắc padang ngak jalan barau:

 “Dahlak mboh lac bol bala saong bhap bini kol dahlak pambuak gauk ngak jalan ini, dahlau di abih kol dahlak thau dhar phon Bộ chỉ huy tỉnh đội hu daong bhap bini ngak jalan saong kol dahlak lac bhap bini hu mbaok tame daong abih hatai jai saong biak sambai kayua dom thun ye jalan ini lac jalan haluk sit urak ini hu peih praong saong tuh bê tong, yau nan bhap bini kol dahlak biak chreih chrai”.

Ong Bùi Đình Lửa, Akaok Kapul urang dahlau daih ngak bol lin phường Khánh Xuân, ban Buôn Ma Thuột brei thau, yaom lac dom urang dahlau daih ngak bol lin atau dom urang urak ini daok ngak lin jeng tui jalan ngak lac “nao bhap bini uan, daok bhap bini ranam” tuk halei jeng hu pabak ilamu piah duh ka bhap bini. Bruk daong ka bhap bini di urang jakar, urang lin bộ chỉ huy quân sự tỉnh Đắc Lắc daong phường Khánh Xuân ngak jalan mbak nao mai, urang dalam kapul urang dahlau daih ngak bol lin  kham merat hu mbaok tame rik daong harei ngak piah ngak hu bruk nan.

“Bộ chỉ huy quân sự tỉnh daong bhap bini, gam saong bhap bini ngak jalan; dom  urang dahlau ngak bol lin hu nao dahlau dalam bruk jak ba bhap bini brei taneh piah ngak jalan, gam saong bhap bini, gam saong dom saai bộ đội peih jalan piah ngak. Tapa bruk ngak di urang jakar, urang lin, kol dahlak mboh lac, dak pambuak gauk di urang dahlau daih ngak bol lin saong dom urang daok ngak li. Tapa ini dak mboh hu bruk ngak, labik dang di urang lin gam gam hu patagok, dalam samar sron mbon jeng yau samar mesruh metak”. 

Khánh Xuân lac phường lingiu ban Buôn Ma Thuột, kinh tế - XH kan kandah, bruk rik daong di bhap bini daok takik. Min, tuk hu sarak di karja buh jien tame ngak meneing atau hu dom đơn vị kết nghĩa, đỡ đầu yau bộ chỉ huy quân sự tỉnh Đắc Lắc daong jien ngak jalan bê tong, bhap bini abih hatai pachreih tui saong rik pren yava piah ngak jalan. Ong Nguyễn Xuân Thắng, Phaok akaok UB bhap bini hường Khánh Xuân, ban Buôn Ma Thuột lac:

“Hu bhap bini njauk hatai brei taneh, bộ chỉ huy quân sự tỉnh buh phun jien, sa hatung hatai saong gauk, giải tỏa mặt bằng njauk tukvak piah  ngak jalan  nao tal dom phường pasak di ban. Tal harei ini dom mét jalan akaok meti, dom mẻ bê tong akaok meti di bol bala saong bhap bini saong kapul dam dara hu pabak bruk ngak”.

Bruk daong jien saong ieu pataom gauk tame ngak jalan di phường Khánh Xuân, ban Buôn Ma Thuột tok lac sa dalam ralo bruk ngak daong ka bhap bini di bộ chỉ huy quân sự tỉnh Đắc Lắc. Công trình yaom lac sit min hu makna praong. Tapa nan piah pakhang, patagok talei pambuak bruk khang kajap di urang jakar, urang lin đơn vị saong bhap bini puk palei. Đại tá Trần Văn Sánh, Phaok Chủ nhiệm Chính trị, Bộ Chỉ huy quân sự tỉnh Đắc Lắc lac:

 “Tapa bruk ngak jalan, dahlau di abih daong ka bhap bini mbuan lagaih nao mai, patagok kinh tế. Jeng tapa bruk ngak ini, ngak brei  pakhang, patagok bruk jum pataom quân dân, abih di nyu nan lac bhap bini di labik đóng quân, labik ini hu thao trường Khánh Xuân nan ye jalan gam daong bhap bini patagok gam kein lagaih ka bộ đội nao mai bac daa pasram megru”.

Dom bruk ngak siam, dom jalan ngak gheih dalam bruk jak ba bhap bini, daong bhap bini di urang jakar, urang lin bộ chỉ huy quân sự tỉnh Đắc Lắc saong bruk rik pren di dom urang dahlau daih ngak bol lin phường Khánh Xuân, ban Buôn Ma Thuột nyu ngak brei hadah jang talei jum pataom bol bala saong bhap bini./.