Pathau mikva saong taong abih gauk! Mbang ginup dinh dưỡng meng ralo pandap mbang yau bánh mì, brah, mì, ngũ cốc, baoh kayau, njam, rilo, ikan, menuk ada saong ia tasau; mbang takik bơ saong dom janih menyek. Dom chuyên gia di Pasak ung thư PCC, Singapore brei thau, khik ka rup teik trak dalam tanut BMI bình thường lac kadha praong di abih piah khik caga siam pren yava, abih di nyu nan lac ngan haong urang ruak ung thư hadei di tuk iek ruak. Kadha “Urang iek ruak” adit ini hu kadha vak tacei pato jalan mbang menyum, daok dang nao mai piah patagok pren mesruh pacang ung thư.

Mbang huak siam oh njauk lac mbang un rilo bo njauk njauk caik hatai tal dom kadha yau hadei ini:

Oh mbang tui hatai takre bo njauk palih ruah pandap mbang siam

Bruk mbang menyum di drei njauk lagaih haong rup di drei, tui pren yava saong jalan diuk rai. Juai mbang tui hatai takre. Bruk mbang huak siam di abih lac hu ginup dinh dưỡng meng ralo janih pandap karei di gauk yau bánh mì, brah, ngũ cốc, baoh kayau, njam, ralo, ikan, menuk ada saong ia tasau. Takik mbang bơ, meng bơ thực vật tal dom janih menyek.

Thau cambaih makna ba tal tagok kílô

Njauk ba tabiak jalan ngak lagaih ka bruk trun kilo di drei. Njauk sahaneng iek halei lac makna ngak ka drei mbang ralo piah duah jalan pasiam veik.

Plaih mbang saradang

Saradang hu biak takik atau oh hu giá trị dinh dưỡng bo nyu daok ngak brei tagok kilo samar. Kayua yau nan ye njauk  padeih mbang dom janih pandap yamen yau sữa đặc hu saradang saong dom janih pandap ngak meng ia tasau hu saradang.

Caik hatai tal pandap menyem

Aia biak siam ka rup babhap khang kadang, njauk menyum aia takik di abih meng 6 tal 8 ly yaok harei. Meyah khaol drei takre menyum pandap hu hương vị, njauk palih ruah te atau cà phê, buh hasit saradang atau kem. Juai menyum pandap hu ga saong dom janih aia baoh kayau yamen kayua nyu hu ralo saradang saong calo mbuan ngak tagok kilo.

Pasram rup pabhap yaok harei

Pasram rup pabhap gam ngak ka thaik thaok siam gam patrun căng thẳng. Nao takai lac jalan ngak siam di abih piah cuh ralai calo meng pandap drei mbang tame. Njauk nao kabak meng 20 tal 30 minit yaok harei, takik abih 3 mbang sa dit. Tuk randap, drei meda patagok tukvak nao kabak tagok sa tuk atau nao ralo jang 30 minit. 

Dom chuyên gia di Pasak ung thư PCC, Singapore hu panuac kakei manuac urang, abih di nyu lac urang ruak ung thư jhui daok la ralo, klak bruk bhian randap  lac takik nao mai. Njauk nao kanyan salih ka thang máy. Meyah oh takre nao kabak, urang ruak ung thư meda me-in, pasram sa môn thể thao drei takre, min siam di abih njauk tangi sua bác sĩ dahlau di tuk me-in, pasram./.