Urang kamei VN dok ngak điều dưỡng di Japon dak harei dak rilo .

Peih ngak Hiệp định pambuak bruk kinh tế Việt Nam - Nhật Bản, meng thun  2012 mbiah tal urak ni, Cục Khik ramik urang ngak negar langiu  (Mintri  Lao động Thương binh song  Xã hội) hu pambuak bruk song dom jabat di  Nhật Bản palih ruah, pato sap Nhật ka 7 khóa ứng viên điều dưỡng, hộ lý Việt Nam, abih tih lac 1.440 urang. Urak ni hu  1.109 điều dưỡng, hộ lý tapa ngak bruk di dom  labik taduan tame ngak di  Nhật Bản.

Tui panuac khan meng Jabat Phúc lợi dunya  Nhật Bản, dom ứng viên điều dưỡng, hộ lý di  Việt Nam hu tong yaom glong gah sap negar lingiu, tari taring ngak bruk di dom labik taduan tame ngak. Dom ứng viên di Việt Nam mboh lac niah gheih jang dut song dom  điều dưỡng viên, hộ lý di dom negar karei karei. Bruk ni brei mboh tapa bruk pakacah saong mek hu Chứng chỉ quốc gia di Nhật Bản yaok thun di tanut glong . Tal tuk vak  ni, hu 48 dalam 69 ứng viên điều dưỡng mek hu chứng chỉ quốc gia Nhật Bản, samu  69,5%. Hu 89 dalam 95 ứng viên hộ lý mek hu  chứng chỉ quốc gia Nhật Bản, samu  93,7%. Dalam tuk nan, ứng viên di dom negar karei tok mek hu labaih 10% ngan song  điều dưỡng song labaih  30% ngan song hộ lý.

Muk  Trần Thị Vân Hà, urang pan akaok jabat thông tin truyền thông, Cục Khik ramik urang ngak negar langiu brei thau  : Urak ni, khóa 8 di danak dak dok hu peih tabiak. Tui nan, meda palih ruah  240 ứng viên piah ba tame pato pakai 12 bilan dalam negar . Hadei di nan, ứng viên halei mek hu  chứng chỉ tiếng Nhật meng N3 tagok hu tapa bac megru song ngak bruk di Nhật Bản: Ứng viên di khol drei hu dong abih bruk mbang huak labik dok dalam tuk bac sa thun, song hu dong jien pandar cai samu  8,5 đô/sa harei  (nan lac yaok bilan yaok  ứng viên hu daong labaih  6 triệu đồng jien mbaok). Song tui bruk pato pakai ye hadei di tuk mek hu  chứng chỉ N3, ứng viên tamat khóa bac. Tuk tapa Nhật Bản, dom adei hu pato ba dre tame  dalam  2 bilan tra

Jeng tui muk  Trần Thị Vân Hà: Ứng viên hu palih tapa  Nhật Bản gam bac gam ngak dalam tuk vak rilo di abih  lac 3 thun ngan song  điều dưỡng (yaok thun  gia hạn sa mbang) song takik di abih 4 thun  ngan song  hộ lý (yaok thun  gia hạn sa mbang )

Dalam tukvak gam bac gam ngak  di  Nhật Bản, dom ứng viên hu pakacah  cấp chứng chỉ quốc gia Nhật Bản gah điều dưỡng viên song  hộ lý. Ứng viên điều dưỡng hu tame pakacah yaok thun sa mbang , ứng viên hộ lý hu pakacah sa mbang di thun ka 4 . Meyah dom ứng viên hu  cấp chứng chỉ quốc gia điều dưỡng viên, hộ lý Nhật Bản, hu adat daok veik ngak bruk suia lavik di Nhật Bản, ngan song yaom jien  bilan meng 28 tal 32 triệu đồng/sa bilan. Langiu di jien bilan, ứng viên daok hu phụ cấp samu haong bruk ngak di drei

Urak ni, gah Nhật Bản dok cong khin taduan rilo  điều dưỡng, hộ lý ngak bruk  di dom sang iek ruak , labik dưỡng lão di Nhật Bản kayua menuac sia di taneh ia ini daok taha nao biak samar song kurang menuac ngak bruk ini. Ni jeng lac jalan peih tabiak ka  ứng viên điều dưỡng, hộ lý Việt Nam cong khin tapa bac daa song ngak bruk di  Nhật Bản. Ong Ohigata Katsuhiro, urang iek gah danak dak palih ruah điều dưỡng, hộ lý Việt Nam tapa bac megru song ngak bruk di  Nhật Bản, sang bac  Acaremy (Nhật Bản) brei thau: Menuac sia di Nhật Bản dok taha nao biak rilo. Kayua yau nan ye, Nhật Bản daok caong hu biak rilo điều dưỡng song hộ lý tapa ngak bruk. Tui nan, dalam 5 tal 10 thun tal , Nhật Bản caong hu labaih  25 ribau  ứng viên điều dưỡng hộ lý negar langiu. Song bruk ni meda rilo jang dalam tukvak anak tal .  

  Panuac khan meng  Đại sứ quán Nhật Bản di Việt Nam lac, danak dak ba  ứng viên điều dưỡng, hộ lý taduan hu bruk dong brei abih gah di karja 2 negar.Jalan ngak daok pamaong tal lac  dom  ứng viên hu mbaok tame danka dak  mek hu  chứng chỉ điều dưỡng, hộ lý di Nhật Bản./.