Dom harei ni, nao tal dom xã bhum gah la dom krong prong yau Cần Giuộc, Soài Rạp, Rạch Cát, jiak tasik di dom huyện Cần Đước, Cần Giuộc, tỉnh Long An, labik halei jeng mboh thu lagu, taneh talah, dom danao dok kandong veik hasit ia ye njom mbak, oh ngak hagait hu. Meyah urang halei tame dalam sa boh sang bhap bini bo hu daa sa cavan ia hajan ye hu mong yau urang tuia quý. Bhap bini bhum taneh ni meng dom saman ini mai mbang menyum meng ia hajan khik veik atau blei ia meng dom labik karei pajeng mai tui yaom glong. Dom thun dahlau ia taba yaom labaih 60 ribau đồng sa mét khối. Thun ni, hajan takik, pandiak bhang dui atah, njom mbak dalam, oh sang halei dok ia hajan, yaom ia taba meng labik karei pajeng mai tagok tal 100 ribau đồng, hu labik 200 ribau đồng sa mét khối. Ong Nguyễn Thành Tâm, umo 60 thun, sa urang dok di palei ĐÔNG Bình, xã Phước Vĩnh Đông, xã kan kandah abih ka ia pandar di Cần Giuộc lac

Meng dahlau mai  labik ni oh hu ia. Mik va ngak hồ padang ia hajan piah menyum, dok pandar yaok harei ye blei ia pajeng meng ban raya mai. Bilan thu thun ni mboh kan biak, dok 2 bilan tra meng tal hajan. Sang hulin urak ni hu 6 urang, sa harei pandar patak patom jeng abih meteh khối ia.

Bilan thu thun ni, bruk kurang ia taba, njauk blei ia pandar yaom glong, oh thau ia siam atau oh dak harei dak trak di 7 xã dalam huyện Cần Giuộc song 3 xã di huyện Cần Đước. 14.500 boh sang song 56 ribau urang di labik ni dok glaih glar piah yam tapa dom bilan thu lagu ni, bruk ngak mbang ngak huak gaok srau kadau tuk bruk pandar ia daok di tanut takik di abih. Mbang camereip Long An njauk kuhria tal dom jalan dong ia taba ka bhap bini, anak meta lac ka dom boh sang kathaot, kan kandah, atah puk palei. Tui kuhria tỉnh hu buh tabiak rilo tỷ đồng piah pajeng ia taba mai bhum pandiak, mbak, dong meneing jien blei ia taba meng bilan 4 tal bilan 8 thun ni. Ong Nguyễn Việt Hùng, Chủ tịch Ủy ban bhap bini xã Phước Vĩnh Đông lac:

Bruk dong meng jien ka dom boh sang ye xã biak pachreih tui. Dok jalan daong yau habar dreih yau dong brei jien điện. Quy định yaok urang sa harei pandar dom lít ia, yaom kaom, tỷ lệ dong di karja lac hadom phần trăm. Yau nan khol drei thau hu yaom dong.

        Angaok bản đồ tài nguyên ia, dom xã bhum gah la di huyện Cần Giuộc, Cần Đước oh hu ia ngầm piah pandar yaok harei. Rilo sang buh jien tabiak kuac bingun, min kuac dalam tal labaih 300 mét ye ia daok mbak. Gam song bruk lac bhum taneh ni bhap bini daok prai rai, rilo meng kan kathaot, yau nan ye bruk ieu tư nhân buh jien tabiak pabak ia song pataom mek phun jien lac bruk oh ngak hu. Kayua yau nan ye bo rilo thun ni mai, Long An hu panuac ieu buh jien tabiak pabak ia ka bhum gah la tui jalan xã hội hóa, min biak takik DN caik hatai sangka, hu dom DN tut angan ngak sit sot ye biak suai damuai. Bahrau ni, hadei di tuk pasang iek tapak bruk pandiak bhang njom mbak, kurang ia pandar di bhum ni, ong  Phan Văn Liêm,Phó Giám đốc Sở Ngak nong song patagok palei pala tỉnh Long An mboh lac

Jalan ngak suai lavik ye khol hulin hu panuac likau Ủy ban tỉnh brei  padang dự án ba ia taba meng thủy lợi Đức Hòa mai ni meng jien di kadung jien karja tỉnh. Nan  lac 59 km meng Đức Hòa mai jhung huyện Cần Giuộc. 5 tal 10 tỷ đồng sa km ye kol drei ngak dalam 5 tal 10 thun lac bruk meda ngak hu.

Oh mek hu ia ngầm piah pandar, daok veik sa jalan ngak nan lac ba ia taba meng labik karei mai ka bhum gah la. Bruk ieu xã hội hóa dalam pabak ia pandar ka bhum gah la oh meda ngak hu jeng hu Ub bhap bini bhap bini Long An công nhận. Tỉnh hu pasang iek salih jalan ieu đầu tư tapa công - tư, nan lac karja duah nguồn, jalan nding ba ia prong, doanh nghiệp song bhap bini meda kuhria bruk ba ia mai ka  khu dân cư, mai tal dom boh sang. Long An jeng dok kuhria tal bruk pambuak song Sawaco di ban raya Hồ Chí Minh piah peih bruk ni.Ong Lê Tấn Dũng, Phó Chủ tịch Ủy ban bhap bini tỉnh Long An brei thau

          Dom jalan ngak lac salih ia, ba ia mai ka bhap bini tok lac jalan ngak yaok thun. Suia lavik njauk kuhria tal bruk dui ia. Tuk drei ieu xã hội hóa ye dom gah đầu tư hu mai duah thau saong mboh lac phun jien buh ngak tuk camereip biak prong. Anak tal, tỉnh brei ngak tui jalan công tư.

          Langik tasik dak harei dak thu lagu, ia pandar jeng kayua yau nan ye dak kan kandah, bhap bini di bhum pandiak dalam tỉnh Long An biak kurang ia taba. Hu mai tal labik meng mboh, ia taba di labik ni biak kurang oh karei hagait di dom bhum pandiak bhang khang di rilo tỉnh Nam Trung bộ.  Sa jalan ngak piah pabak ia khang kajap dok hu bhap bini bhum ini cong khin, piah tabiak truh kan kandah ka ia pandar meng dom rai ni mai./.