Urak ini urang nong raong limo ralo, min oh thau ngak van ro yau habar ka nyu lagaih piah ka tapol limo praong siam, ba mai ralo kein laba. Dalam danak dak papar sap harei ini, daa mikva saong taong abih gauk pang kỹ sư ngak nong Nguyễn Thị Hoàng Oanh daok ngak bruk pak Chi cục thú y tỉnh An Giang tacei pato jalan ngak van raong limo.

 - Palih ruah labik:  njauk ngak di labik taneh glaong, laneng lahei, atah di labik menuac daok meng 10 tal 20m.

 - Gah pabah van ro: Tui gah Meraong atau Đông Nam, ngak habar ka nyu hu lahei dalam bilan pandiak saong ấm áp dalam bilan la-ar.

 - Kiểu van ro: meyah raong takik meng 5 tal 10 drei mikva njauk padang ngak van ro hu sa tabung.

 - Nền van ro: Meda ngak meng kiak patau, xi măng atau tuh ralo candaih xi măng blaoh pagam gilac (dom candaih xi măng nan njauk ngak ka nyu khang kajap). Nền van ro hu  độ dốc meng glaong tal biar, hu jalan tathuak aia me-ik piah lagaih ka bruk puh ramik van ro.

 - Máng mbang, máng menyum: lòng máng danơ jangaih lagaih ka bruk puh ramik gah dalam. Mbat máng njauk glaong jang mbaok nền 2 tấc. Máng menyum meda caik gah langiu piah ka limo kubao nao mai menyum aia, meda pandar sa binah di máng mbang piah ngak máng menyum.

 - Jalan nao: njauk padang ngak pabah mbang prong meng 1mét meteh  tal 2met piah ka limo mbuan lagaih nao mai tuk tabiak gah langiu.

 - Jalan tathuak khak haong aia me-ik: Bhian di nyu jalan tathuak prong 2cm meteh, dalam oh tapa 10cm (meyah dalam ralo limo mbuan si glut meda ngak jaoh takai).

- Mikva urang nong njauk caik hatai:  Aia rao khak saong aia me-ik njauk ba tabiak dalam lubang caik atah van ro piah xử lý saong pandar. Piah patrun patakik ô nhiễm môi trường njauk pandar kadung ủ Biogas, mek gas ngak asal cuh dalam sang./.

 Jasi lang sap Cam