Dom urang bhain njauk pandik kaeing, pandik talang, abih di nyu lac dalam tuk tết mai, oh lac “dom ong” bo lac “dom muk”, dom urang biak thar var caga ka bruk raok tết. Hu muk dok ala biak lavik dom tuk vak piah cakak kanduk  kiệu, lot kanduk lasun, papaok bánh chưng, pei nung, tal tuk bloh bruk dang tagok ye  preo lac “po lei kaeing habar nyu pandik yau ni, thau ngak habar ni ?”.

Tuk urang yam tame umo trung niên, ka-ing song dom  khớp talang njauk thoái hóa, dom rak dây chằng taom dar talang kaeing nyu suy yếu, ngak ka urang oh dok la suai lavik hu, kuh kaeing, dok la atau ngak bruk gam gam dalam tuk vak suai lavik hu tra. 

Kayua yau nan ye, khin ngak bruk hagait, drei brei hadar tuk halei jeng khik brei kaeing tapak, jhui kuh kaeing. Khin cakon nong sa pandap trak brei thau pren di drei, meda ieu urang mai dong. Tuk cakon, brei kong akaok tauk trun piah pabha pren trak tagok dua gah pha, khik ka kaeing tuk halei jeng tapak, yau nan meda ngak patrun pren kateik tagok talang kaeing, tapa ye nyaik hu dom dom janih ruak  giãn dây chằng, thoát vị đĩa đệm talang kaeing...

 Tuk ngak dom bruk njauk dok la ye brei dok di angaok khaghe glong, ngak bruk di angaok kapan, atau dang ngak meda siam jang dok la  atau dok khaghe  bier, kayua tuk talang akaok tauh nyu pagap tame rilo meda brei tagok pren kateik trak tagok talang, ngak ka dom rak  cơ, dây chằng di talang akaok tauh catang biak rilo meng nan ba tal pandik talang.  

 Ngan song urang ngak bruk  văn phòng, bruk ngak sa labik, takik nao mai meda gaok dom janih ruak pandik kaeing, pandik talang dalam tuk tết dreih yau di dom urang ngak mbang huak, tuk urang dok la lavik angaok papan ngak bruk luac harei piah ngak ka bloh dom báo cáo puac thun. Kayua yau nan ye, tuk drei ngak bruk hagait, hadei di labaih 30 minite njauk  salih tư thế sa mbang , pasram rup pabhap, giãn cốt bloh meng ngak veik. Tui nan meda ngak ka dom talei rak, dây chằng hu tuk piah padeih padei, pasiam veik dahlau di tuk ngak bruk veik, nyaih ba tal quá tải ka kaeing song dom talang talaih, plaih pandik kaeng, pandik talang, khik ka drei hu mbang  tết bak bui sambai ./.