Piah ka thun halei jeng tabiak rilo bingu song njauk di tuk tết nguyên đán, urang pala đào saong me-in đào brei thau cambaih phun đào lac phun takre pandiak jang takre ia. Meyah pala đào labik taneh beir song labaih ia, gha nyu bruk song phun mbuan metai. Meyah pala dalam halui, takik hu ia harei, taneh pasah, ye hala hajao siam luac thun, tal bilan biak takik bingu. Kayua yau nan ye, piah ka thun halei tal bilan đào jeng hu rilo bingu , drei njauk pala đào di labik taneh glong, laneing lanoi. Yaok thun, hadei di yaok bilan paik bingu, brei buh pabak khak limo, NPK ka phun, piah phun tabiak rilo dhar. Bilan bingu thun hadei tabiak bingu prong, sambo màu siam jang.

Bhian di nyu, đào tabiak bingu meng kreih bilan mat thun dahlau tal kreik bilan sa tui saka thun hadei. Min oh lac thun halei jeng yau nan, anak meta mboh lac thun halei langik pandiak avar, đào rak avar jang, thun halei langik liar dui atah, đào tabiak bingu suai jang. Kayua yau nan ye, rilo thun tuk tết mai tal, đào jaruh abih bingu atau tết bloh đào meng tabiak bingu, oh hu bingu đào mbang tết, nan ye khin hu bingu đào tabiak bingu njauk tuk Tết, urang pala đào brei thau ngak ka đào tabiak bingu tui hatai khin.   

          Tui ilamu di dom urang pala đào rilo thun, hu dom jalan ngak ka đào tabiak bingu njauk di tuk tết yau ni:

          Kreik bilan 11 tui saka ia bilan, brei cakak klak tong abih hala đào di angaok phun, piah phun patom dinh dưỡng bingu tabiak rilo , bingu prong, dhar kapan, sambo siam. Tui eik thun halei langik pandiak brei cakak hala te jang dom harei, thun halei langik liar brei cakak hala đào avar jang tuk vak nan dom harei. Hadei di tuk tuốt hala đào bloh, meyah langik pandiak dui atah, drei ngak giàn pacang song pruh ia gam gam tong abih phun đào. Meyah langik li ar dui atah, drei jeng ngak giàn pacang ka đào song yaok harei pruh ia taom dar gha đào, piah khik nhiệt độ kích thích ka đào tabiak bingu njauk tuk vak.

Meng jalan ngak yau nan, thun halei đào dalam bein jeng tabiak bingu rilo, bingu prong, sambo mekre song njauk tuk tết meng harei 28 -29 bilan mat tal harei 4-5 bingun bilan sa, njauk tuk uan raok Tết./.