Phun chùm ngây biak mbuan pala, biak siam ka pren yava, abih di nyu nan lac ka urang kumei hadei di tuk ndih tapui, ka uraniah, saong urang daok pasiam veik pren yava hadei di tuk abih ruak. 

Jalan pala meng asar;

Jalan ka 1 : Tram asar dalam ia pandao 24 tuk. Tram bloh, sraong tagok srau haong cuah, ủ dalam mbao tải, atau pong.  Yaok harei tok pruh ia sa mbang, 3 tal 6 harei hadei asar nyu pacah meta. Ba asar pala tame mbao nhựa atau chậu katak caik haluk tasaoh hu gilaong ka ia tathuak. Pruh ia mbiah ginup, plaih ngak ka nyu pasah rilo. Phun khang kadang hadei di 6-8 adit ye ba pala di gah lingiu.

Jalan ka 2: Lai ia: 2 pandiak + 3 li-an (ia pandao), tram asar Chùm ngây dalam 24 tuk. Mek khan papaok veik asar bloh caik dalam sup. Yaok harei, njuk kadung chùm ngây tame ia, tableik nao, tableik mai. Bloh yuh sit sit ka ia oh kandaong veik gah dalam. Njauk caik hatai ngak hanjul tangin piah plaih ngak khut mầm non gah dalam.  Dom harei hadei, asar pacah meta.  Ba nao pabam dalam chậu atau kadung ny lon hu haluk tasaoh, njauk caik hatai lac chậu atau kadung nylon jeng hu gilaong piah tathuak ia. Chùm ngây oh takre ia nan ye jhui caik ka nyu dauk ia.

Jalan ka 3:  Caga mbao nylon atau chậu nhựa hu gilaong tathuak ia, đường kính meng 15-20cm saong dalam meng 25-30cm.  Buh haluk tasaoh tame. Caik asar dalam 25mm ala tal haluk tasaoh, lam saong kateik haluk sit sit tame. Pruh ia mbiah, oh caik brei thu rilo atau pasah rilo. Hadei di 3 harei asar pacah meta, saong phun mblo tabiak truh mbaok haluk hadei di 1 adit, khik ẩm ka nyu jhui thu rilo, saong oh caik ka nyu pasah rilo.

Phun chùm ngây takre haluk thu ia, rilo cuah, yaom lac taneh jhak jeng tamuh hu, nyu takre pandiak. Phun meda lac oh hu halak palai kaik nan ye oh caong pandar rilo khak atau pruh ia. Min phun oh takre ia dauk saong mbuan metai meyah oh hu tathuak ia siam. Kadha brei thau tuk camereip ka bruk labaih ia ala gha chùm ngây lac angaok hala hu dom tanut mbong patih, tuk nan urang pala njauk padeih pruh ia atau duah jalan tathuak ia ka phun.

   Kayau chùm ngây nyu limin, racam nan ye phun, dhar mbuan jaoh dalam hajan ribuk. Meyah pala piah khai thác,urang pala njauk cakak jhung kayau tuk nyu glaong, piah mbuan paik saong pachreih phun tabiak caduk, tamuh dhar rilo, gam patrun khat lihik kayua jaoh jaleih.

   Hadei di 3 bilan pala, meda paik mek hu. Thuk phun glaong 60 cm ye cakak jhung saong dhar piah pachreih tabiak caduk. Hadei di 6 bilan pala, phun glaong 2 mét, lac tukvak paik mek, yaok phun meda paik hu meng 500 tal 900gram hala that yaok bilan. Oh yau dom janih njam karei, phun chùm ngây tok pala sa mbang saong pablei luac thun. Phun chùm ngây diuk hu livik nan ye hu maong lac janih njam hu kein laba di abih./.