Pathau mikva saong taong abih gauk!

Urak ini dom baoh sang urang nông di bhum taneran kraong Cửu Long yau Đồng Tháp, An Giang, Cần Thơ daok salih tapa pala đậu nành salih ka vụ padai xuân hè. Đậu nành lac janih phun mbuan pala angaok taneh puh takik pren iek glang brei kein laba kinh tế glaong. Dalam kadha "urang ngak hamu caong thau" harei ini, kol dahlak likau khan ka jalan pala phun đậu nành kayua pasak pachreih nông tỉnh An Giang tacei pato, daa mikva saong taong abih gauk tui pang:

Bruk caga taneh saong drak asar piah pala đậu nành

Hadei di tuk yuak padai đông xuân ramik hacih hareik angaok taneh saong cakak gha pon tui talei yaok talei atah gauk meng 15 tal 20cm. Yaok 5m kuac rok sa ribaong dalam 30cm, praong 20cm piah daong ka bruk pruh ia saong tathuak ia tuk hajan ralo. Njuk ia tame hamu brei dauk sa harei piah ginup ka taneh lamin bloh hadei di nan tathuak abih ia tabiak.

Jalan drak asar: hadei di tuk tathuak abih ia oh cang li-ua taneh, proi asar angaok mbaok taneh yaok gilaong meng 2 tal 3 asar, asar atah asar 40cm. hadei di tuk drak asar bloh mek pon me-om sre taneh pala, bruk me-om pon oh lac khik hu độ ẩm ka phun bo daok pacang hu lakhun meng tal taneh ala, pacang hareik tamuh. Hadei di tuk thu hoạch, tal pon nan lac khak hữu cơ piah buh ka dom vụ hadei.

Jalan pruh ia saong pacang cakak halak halin piah thu hoạch hu kein laba

Tuk phun daok sit brei pruh ia meng thùng atau pruh mac hu pagam bông sen. Hadei di tuk phun hu meng 15 tal 20 harei ye pruh tràn. Hadei di tuk brei ia tame hamu meng 1 tal 2 tuk ye tathuak abih ia dalam harei, ia kandong veik ngak ka phun oh praong tagok atau mbuan metai. Đậu nành hu ralo janih halak palai kaik yau: giòi mbang phun, halak mbang baoh, halak mbang tạp, halak hijao, halak bingu, bọ xít, rầy hijao. Piah pacang dom janih ruak angaok phun đậu nành mikva brei bhian tabiak rivang hamu di tuk phun jiak tabiak bingu ndam baoh. Langiu di nan, daok hu dom janih ruak karei yau: ruak đốm vằn, ruak bruk baoh, ruak đốm vi khuẩn, ruak ngu asar, piah pacang cakak dom janih ruak mikva brei pandar dom janih jru yau: Ziner, Rovral saong dung dịch Bocđô.

Thu hoạch: tuk baoh salih tapa sambo xám atau juk lac asar nyu tasak meda thu hoạch hu. Dahlau di tuk thu hoạch meng 5 tal 7 harei njauk pandar ia sara lai prang pruh samu angaok taneh piah patrun bruk jruh hala. Ratak hadei di tuk ba mai pambu thu nyu ngak ka asar janyaih saong hacih./.