Kadha urang ngak hamu caong thau 

Dalam bilan hajan bruk njaom mbak di halak bore patagok biak samar angaok phun cam, quýt ngak khat lahik ralo ka urang nong. Kadha “Urang ngak hamu caong thau” harei ini, khaol dahlak hu kadha vak tacei pato mikva jalan pametai anek halak bore angaok phun cam, quýt, daa mikva saong taong abih gauk tui pang.

            Urang nong: Pathau kỷ sư, halak bore mbuan diuk di labik halei saong bhian caih rilo di bilan halei dalam thun?

            Kỷ sư: Halak bore daok iew lac halak xén tóc xanh bhian caih mebaoh dalam bilan 6, bilan 7 angaok dom dhar phun kayau, gha kayau… Hadei di tuk mebaoh meng 10 tal 12 harei, halak bore mbang kanduh dhar piah diuk, palai kaik meng dhar sit tal dhar prong saong rup phun kayau.

Halak bore takre labik halui li-an, harei nyu dauk, melam mai bhian nao duah labik mebaoh tame dalam labik karac di rup phun kayau saong atah mbaok haluk meng meteh mét tal 1mét, hadei di tuk mebaoh meng 6 tal 12 harei, anek halak bore caih tabiak blaoh rui tame kanduh, tame rup phun kayau, ngak jeng ralo jalan rah tui rup phun. Halak bore dauk la-ar dua mbang dalam thun di bilan 11 saong bilan 12.

Halak mbang gha daok iew lac halak xén tóc bingu kayua angaok rup halak hu jaik 30 tanut mbong. Halak praong bhian mbang labik meda di phun, abih di nyu nan lac gha meda, tukvak caih mebaoh di bilan 5, bilan 6. Dahlau di tuk mebaoh, halak xén tóc bingu kaik tame gha phun kayau sa talei hình chữ T blaoh mebaoh tame nan. Meng 6 tal 12 harei ye baoh caih tabiak. Halak daok mbang tame gha phun kayau, ngak ka phun suai praong, druh hala saong metai. Halak palai kaik meng dua tal klau bilan bloh padeih li-ar di gha kayau.

Urang nong: Pathau kỷ sư, piah pacang caga halak bore njauk ngak habar?

Kỷ sư: Ngan haong halak bore: pandar vợt atau mek meng tangin, bhian pruh jru halak meng 3 tal 4 mbang dalam thun.

Pametai halak mbang gha brei kaoh klaak dhar kayau njauk halak mbang, samar cuh apui mblung thak piah patakik halak caih mebaoh. Phun njauk halak mbang ralo vòng tròn vil taom dhar kanduh hadei di ralo harei ngak ka phun nyu thu, mbuan metai. Meyah dar nyu thu,, hala druh ralo nan lac halak nyu mbang tame dhar saong rup phun kayau, mikva njauk kaoh klaak sa đoạn dhar piah pacang cakak bruk cakrok patagok. Ilamu brei mboh, bruk cakak klaak meneng dhar kayau meda patrun hu bruk palai kaik di halak labaih 90%. Ngan haong halak mbang gha mbang tame dhar prong, rup phun atau gha kayau, meda pandar cur tapung srau haong CuSO4 pruh tame gha phun, ini jeng lac jalan pacang caga dom janih ruak saong patrun patakik bruk caih mebaoh di halak bore saong halak mbang gha.

Urang nong: Likau ndua dhar phol kỹ sư: