Tukvak menyum C sủi siam di abih lac tuk page hadei di tuk mbang trei

Menyum C sủi meda pabak vitamin C samar drah, min yaok urang tok menyum sa mbang meyah mboh dalam rup drei kurang vitamin C atau caong khin patagok prein pacang caga ruak tuk njauk cảm cúm.

Tukvak menyum C sủi siam di abih lac tuk page hadei di tuk mbang trei, juai menyum di tuk melam kayua nyu meda ngak ka drei kan ndih. Siam di abih njauk menyum dalam tukvak dahlau di 16 tuk yaok harei saong menyum hadei di tuk mbang. Vitamin C tame rup pabhap tuk tian daok lipa meda ngak brei harao tian saong kích thích dạ dày.

Juai pandar vitamin C yau sa janih jru bổ, pandar oh hu giới hạn (abih di nyu lac ngan haong uranaih). Pandar rilo viên sủi vitamin C mbuan ba tal sỏi thận kayua nyu patagok bruk tathuak tabiak canxi dalam rup tapa jalan aia me-ik.

Ngan haong dom urang ruak sỏi thận juai pandar rilo jang 1g vitamin C sa harei. Meyah pandar biak rilo meda ngak brei oh siam tal dom dut iek cận lâm sàng. Dom menuac tagok darah hu dom bác sĩ kakei oh brei pandar jru hu sủi bọt, dalam nan hu viên sủi vitamin C, kayua viên sủi bọt hu rilo Natri – lac janih hu dalam sara, makna ba tal tagok darah.

Taong abih janih vitamin C njauk hu khik piah dalam pa-op sre, caik di labik thu.. Njauk khik piah di nhiệt độ ala 25 độ C, plaih dom labik pasah saong labik hu aia harei pasang tapak tame./.

Urang lang: Jasi – 24/12