Uranaih hu mun ia tasau amaik biak siam

Tui bác sĩ chuyên khoa II Đinh Thị Kim Liên - Dom Duk khám Dinh dưỡng Nutrihome – piah hu aia tasau siam, ginup aia tasau ka uranaih, amaik brei hu aia tasau siam. Ia tasau nan hu dom chất dinh dưỡng lagaih, ginup saong pabak dom vi chất brei hu ka uranaih. Caong khin ngak hu bruk ini, dom amaik njauk mbang ginup chất dinh dưỡng, patagok năng lượng.

Pandap mbang tame rup di dom urang amaik metian rilo jang dua mbang tuk oh ka metian. Pagap yau ngan haong dom urang amaik oh metian, mbang sa harei 25 gram saradang ye tuk metian saong brei anek mum njauk mbang rilo jang. Urang amaik oh metian tok mbang menyek, limek jaik 25 gram sa harei ye tuk metian saong brei anek mum njauk mbang 35 gram. Dom urang amaik oh metian bhian menyum aia tasau 300 ml sa harei ye tuk metian saong brei ka anek mum njauk menyum 650 ml sa harei. Meyah menyum oh ginup aia tasau yau nan, meda salih meng phô mai, sữa mesam. Ralow saong ikan jeng njauk mbang 300 gram, njam patam baoh karaoh yaok janih 300-400 gram sa harei. Bei, baoh kraoh, dom janih asal 300-400 gram sa harei. Langiu di nan, dom amaik jeng brei menyum  2,2 lít aia tame rup dalam sa harei.

Hatai saneng di dom urang amaik metian saong brei ka anek mum jeng biak prong, meda ngak brei ia tasau hu rilo atau takik. Meyah duh hatai rilo hadei di tuk ndih tapui, kan ndih jeng ngak ka dom amaik hu takik aia tasau saong aia tasau siam. Dom amek brei anek mum oh njauk jalan, meda oh brei ka anek mum tuk bahrau menek, tuk ia tasau camereip, oh bhian brei mum... jeng mbuan ngak lahik aia tasau. Meng bruk brei ka anek mum jeng meda ngak brei aia tasau tabiak rilo, ranaih meda hu ginup aia tasau piah mum. Dom amaik njauk brei ka anek mum gam gam, tui tukvak kayua lac takik brei mum meda ngak brei takik hu ia tasau.

Rilo urang amaik pandar biak rilo mac iak aia tasau jeng ngak ka aia tasau tabiak takik saong meda ba tal bruk uranaih klaak mum aia tasau amaik, lavik lavik harei jeng ngak ka urang amek lahik aia tasau. Caong khin hu aia tasau siam, langiu di bruk dinh dưỡng ginup, dom amaik jeng njauk brei ka anek naih mum njauk jalan, hatung hatian chreih chrai, kayua lac hatung hatian bui sambai meng ginup aia tasau ka uranaih mum saong praong siam./.

Urang lang: Jasi -18/11