Jalan patgaok pato pakai bruk ngak vaktu 2016-2020 meda pamong tame pato dom bruk ngak trọng điểm samu ilamu di dom negar ASEAN saong dunya, ngak jeng bruk đột phá gah chất lượng pato bruk ngak saong paglaong tỷ lệ urang patagok chất lượng bruk ngak saong paglaong bruk urang ngak hu pato bruk ngak tagok tal 63% dalam thun 2020. Ini lac sa dalam dom jalan ngak prong, peih tabiak jalan piah yam tal patrun kathaot khang kajap tui dự án “Salih bahrau saong patagok pato bruk ngak” di danak dak pakat negar ka bruk ngak saong pato bruk ngak vaktu 2016-2020” bahrau hu mentri Lao động, Thương binh saong Xã hội  padang ngak.

Ngak tui jalan patagok bruk ngak, Thủ tướng raja-ei hu Quyết định brei peih ngak Dự án “Salih bahrau saong patagok pato bruk ngak” dalam danak dak pakat negar bruk ngak saong pato bruk ngak vaktu 2011-2015. Hadei di 5 thun peih ngak, pathau khan di Tổng cục Pato bruk ngak brei mboh lac, hu tuyển sinh pato bruk ngak hu labaih 9 tỷ 171 ribau urang, rilo jang 18% dut haong vaktu 2006-2010. Ta-eng bruk pato sơ cấp nghề saong pato bruk ngak ala klau bilan hu labaih 2,4 triệu urang ngak palei pala. Bruk quy hoạch labik pato bruk ngak mboh hu salih bahrau. Kuhria tal thun 2015 dalam negar hu 1.467 labik pato bruk ngak.

Tui Akaok Tổng cục Pato bruk ngak Dương Đức Lân, hadei di 5 thun peih ngak dự án, chất lượng pato bruk ngak hu salih bahrau biak siam. Tui taong yaom di dom doanh nghiệp, 80%-85% urang ngak hu pato bruk ngak hu pandar njauk haong bruk pato. Pak dom bruk ngak yau hàn, dịch vụ pandap panda, ngak mbang huak…kỹ năng nghề di dom urang ngak Việt Nam mek hu tanut chuẩn dunya. Ong Dương Đức Lân hu panuac lac: “Tapa peih ngak Dự án nyu ngak brei salih  bahrau biak siam, rik daong praong ka bruk patagok kinh tế xã hội, patruh eik patrun kathaot. Langyah bruk ngak hu siam laghaih jang meng chất lượng pato bruk ngak hu paglaong”

Taphia  dom bruk ngak hu, tapa 5 thun peih ngak Dự án jeng daok dom cuang kandah tavak tave dalam tuk peih ngak. Yaom lac hu buh jien tame ralo dalam dom thun tapa, min jeng daok hu bruk đầu tư dàn trải, oh samu gauk di dom nghề, oh ka hu bruk cân đối dalam đầu tư. Ralo labik pato bruk ngak buh jien tame biak ralo ka gah cơ sở vật chất, takik sangka tal bruk paglaong ilamu di Gru pato atau urang jakr khik iek… Kayua yau nan ye bruk pato bruk ngak jeng oh ka pabak hu bruk di darak pasar. Piah yam tal patrun kathaot khang kajap, Jalan patagok pato bruk ngak vaktu 2016-2020 meda pamong tal pato dom bruk ngak prong mek samu ilamu di dom negar dalam ASEAN saong dunya, paglaong chất lượng bruk ngak saong patagok urang ngak tapa pato bruk ngak tagok 63% dalam thun 2020. Piah ngak hu bruk nan njauk pataom tame ngak dom bruk, dom jalan ngak praong, dalam nan hu: salih bahrau bruk khik iek karja ka pato bruk ngak; pasang iek, ramik ramik veik labik pato bruk ngak, abih di nyu nan lac roh duah brei adat ngak iek bruk sang bac cao đẳng hu pambuak bruk haong dom sang bac đại học dalam bruk đào tạo liên thông dom trình độ… Tui kuhria,  meng yaom jien abih tih 15.018 tỷ đồng meda daong salih bahrau khang saong samu gauk bruk pato bruk ngak iek tui pren ngak, tui labik ngak piah paglaong chất lượng pato bruk ngak pabak ka darak pasar urang ngak saong mbeik drei yam tame haong dom negar tiên tiến dalam khu vực ASEAN saong angaok dunya.

Pambuak tal bruk ini, ong Dương Đức Lân hu panuac lac: meng thun 2016,  oh hu bruk dàn hàng ngang pandar kadung jien karja piah padang ngak sang bac, labik pato bruk ngak bo oh kuhria tal kein laba di nyu. Ngan haong 45 sang bac cao đẳng nghề hu palih ruah đầu tư trọng điểm meng kadung karja jeng yau nan. Meyah oh pabak hu yau bruk ba tabiak, meda hu sang bac hu ba tabiak truh angan, salih tame nan, lac dom sang bac meda pabak hu siam bruk nan./.