🌈Pandiak co giật lac hagait?

Lac bruk co giật kayua pandiak (nhiệt độ gilaong taok glaong jang atau sumu 38ºC), bhian mboh di uranaih meng 3 bilan tal 5 thun (rilo di abih lac meng 12 – 18 bilan), tuk gaok sa ruak thông thường yau ye cảm la-ar, cúm, viêm tangi…

🌈Ngak habar piah thau lac pandiak co giật?

Tuk daok pandiak, uranaih samar oh thau hagait, khang tangin takai, kaik khang tagaiy, co giật abih rup pabhap. Pandiak co giật bhian oh dui atah tapa 1 tal 2 minit, yaom lac hu tuk tal 15 minit. Hadei di nan, uraniah nyu lừ đừ atau teik wah dalam jaik 15 minit.

🌈Njauk ngak hagait tuk uranaih njauk pandiak co giật? 
Tuk mboh co giật, bruk njauk huac di abih lac uraniah meda dung bhar, tagalak dom pandap dalam pabah (yau ye ia tasau, pandap mbang, pandap mein) ngak brei oh suak yava hu. Kayua yau nan ye, njauk  bình tĩnh piah daong ka uraniah tui dom jalan ngak yau ini:

🍃Ieu menuac daong:

Caik uraniah ndih trun libik lahei saong siam, mbleing tapa sa gah

🍃Oh brei pandap hagait tame pabah uraniah ( pagap ye: iak kruac atau tuh ia tame pabah uraniah; kayua dom pandap ini meda ngak brei tagalak atau gar jalan suak yava di uraniah)

🍃Oh kateik uraniah atau mek pren kateik co giật, kayua cơn giật nyu meda abih eng.

Ngak brei uraniah trun pandiak 

         🍃Hadei di nan ba uraniah tame sang iek ruak drah samal piah caga dom makna karei ngak brei pandiak co giật (abih di nyu nan lac uranaih ala 12 bilan). Dom bac si meda dut iek piah thau cambaih lac dom mbang co giật oh kayua sa ruak daok kandauk karei (yau ye viêm não, viêm màng não,...).

Yau nan, kol dahlak hu khan brei mikva thau dom jalan langyah siam di sang tuk uranaih co giật, daok bruk lac uraniah njauk pandiak co giật atau kayua makna karei, mikva njauk ba uraniah nao tame sang iek ruak piah dut iek.

Thúy Linh