Tỉnh Bến Tre daok pataom abih pren yava tame jhul khang bruk ngak OCOP tỉnh Bến Tre thun 2020

Di nyaom biai pambuak bruk pabak pandap saong caong khin blei pandap thun 2020 rah tabiak meng harei 24-9 tal harei 27-9 meng blaoh, ong Nguyễn Trúc Sơn, Phaok Akaok UBND tỉnh Bến Tre brei thau, tỉnh daok pataom abih pren yava tame jhul khang bruk ngak OCOP tỉnh Bến Tre thun 2020. Ini lac jalan katut panak di abih piah ba dom pandap panda di puk palei mai tal tangin urang blei pandar dalam taneh aia. Tỉnh Long An jeng hu palih ruah tabiak 14 janih pandap panda kaya nong, dalam nan rilo meng lac pandap panda di OCOP piah meyaih khan tal dom urang pablei salih saong urang blei pandar dalam ban raya TPHCM. 

Tui Jabat Điều phối palei pala bahrau pakat negar, dalam negar hu 6.270 doanh nghiệp (DN), hợp tác xã (HTX), sang ngak pandap hu tut angan pablei salih. Dom labik ini ngak tabiak hu 4.823 pandap panda hu pren khang daok dalam 6 nyaom pandap panda nan lac kaya mbang, jru tavao, khan bai piah jik pet, pandap panda lưu niệm, pandap piah ngak mekre sang, pandap duh ka du lịch.

Di rilo siêu thị, pagap yau Big C – jabat nao gam, pambuak bruk saong daong ka rilo tỉnh, ban dak padang saong patagok chuỗi dom janih pandap panda OCOP. Di yaok puk palei hu siêu thị Big C, jabat ini tuk halei jeng caik tabiak labik siam di abih piah parang dom janih pandap panda OCOP, daong ka urang blei pandar mbuan palih ruah hu rilo janih pandap. Lambaok dom Big C brei thau, jien mek tame ngan haong dom nyaom pandap OCOP yaok thun jeng tagok.

Hadei di tuk hu Thủ tướng Raja-ei mbaoh tangin brei ngak danak dak OCOP tukvak 2018-2020, dom janih kaya nong, pandap langiu bruk ngak nong,  dịch vụ hu pren khang di yaok puk palei hu daong cak rok patagok tui chuỗi giá trị. Tal bilan 5-2020, dalam negar hu 61/63 tỉnh, ban mbaoh tangin brei ngak danak dak OCOP; hu 32 tỉnh, bal taong yaom, parabha hạng saong hu tabiak harak công nhận ka 1.711 pandap panda OCOP meda hu “pagam patuk” (pandap panda hu pagam meng 1 tal 5 patuk; pandap panda 1-3 patuk pabak ka darak pasar dalam negar, pandap panda 4-5 patuk meda meriak gauk, pablei tabiak negar langiu). Anak meta mboh lac, jaik abih dom pandap panda OCOP hu patagok meng pandap panda hu blaoh, lac pren khang di puk palei. Yau nan min, piah padang hu sa pandap panda OCOP tui chuẩn 4, 5 patuk lac kadha oh mbuan saong duah labik pablei tabiak  tani tanat lac bruk daok ngak brei duh hatai.

Amuk Ngô Thị Kiều Dương, akaok Công ty cổ phần Mỹ phẩm la-u Phú Long (tỉnh Bến Tre) caong jhin dom labik pablei lẻ, labik labik pablei praong dalam bal raya HCM saong dom tỉnh, bal, daong palagaih ka pandap panda OCOP saong janih pandap di Bến Tre tame jalan parabha bahrau di abih ngan haong yaom chiết khấu lagaih, daong ka dom DN mbiah haong sit, dom HTX cak rok patagok.

Pambuak pagam tal bruk ba pandap panda OCOP saong pandap panda biak karei tame jalan parabha bahrau, lambaok Liên hiệp HTX bal raya HCM (Saigon Co.op) brei thau, pandap panda di DN puk palei hu sangka ngak siam mẫu mã, ngak mekre bao bì min bruk meyaih khan, tiếp thị piah daong ka urang pablei lẻ saong urang blei pandar thau hu angaok darak pasar min oh ka hu buh jien tabiak ngak ka nyu njauk. Kayua yau nan ye, DN njauk roh duah, salih bahrau tui jalan duah thau darak pasar, thau hu hatai caong di urang blei pandar piah paglaong pren meriak gauk di pandap panda./.

Urang lang: Jasi – 07/09