Meng Lavik mai, boh jamriak jhik klaak lac pandap duah jien tame di sang  muk Nguyễn Thị Giao Chi, dok di phường 15, quận 4 meng bruk jhik  gia công khan aow uranaih. Rai duik kan kandah, taeng muk Chi rong 3 urang nek bac tal 10, 11 song đại học. Rilo thun tapa,  karja pak ni lagiu di bruk BREI mesraiy jien ngak mbang dok brei pok jien bac ka dom kamuan. Bahrau ni, BRUK bui sambai hu mai song muk tuk hu  phường likau brei  jamriak jhik piah duah jien yam tapa kan kandah, patruh kathaot. Mong iek boh jamriak jhik bahrau hu  Mặt trận negar ban raya HCM alin brei, muk Chi bui sambai lac:

       Ủy ban phường mboh lin kan kandah l, nan ye dong brei, hulin sambai lo. Mbang camereip hu ban raya alin brei amriak jhik, nyu nduac biak bingi jang jamriak klaak rilo, dong ka lin duah hu jien rong nek  )

Dok muk  Nguyễn Thị Mỹ Lệ, phường 12, quận Bình Thạnh biak bui sambai hu alin brei boh tu pablei pandap, hu kong radeih mbuan jhul nao mai. Meng boh tu bahrau hacih saat siam mekre, bruk pablei salih di muk hu lagaih jang, hu liba rilo jang piah kuhria ka boh sang.  

 Hu brei sruh radeih ni hulin sambai lo, kayua drei oh hu jien blei, hu karja dong hulin uan tabuan lo,khin hu sruh radeih piah pablei salih, kayua radeih deih nyu klaak lo. Sruh radeih ni piah drei pablei salih dong ka sang, mesup pablei bánh ướt, cala pandiak pablei  bột chiên tal beir harei.)

Muk Giao Chi song muk Mỹ Lệ lac 2 urang dalam 100 boh sang kan, jiak si kan song boh sang dalam sarak karja kan kandah bahrau taduan hu dom pandap ngak mbang duah jien song yaom jien abih tih lac  930 triệu đồng yau radeih mac, jamriak jhik, tu blei pandap mbang , ia menyum… kayua Ủy ban Mặt trận negar  ban raya

HCM alin brei DI akaok bilan  8 meng bloh. Ni lac sa bruk ngak dalam danak dak pambuak bruk DI Mặt trận song Liên đoàn Lao động, Thành đoàn, dom kapul urang kamei, urang nong, urang dahlau deih ngak bol lin, meng ni tal thun  2020. Dom danak dak daong biak rilo janih, yau alin pok jien bac, radeih nao bac, pandap panda  bac daa ka anek saih , sinh viên có hu rai duik kan kandah ; dong jien pato bruk ngak, thẻ bảo hiểm y tế ka boh sang bahrau yam tapa tanut kathaot song brei pandap ngak mbang lagaih song bruk di yaok urang Amuk  Nguyễn Thị Ngọc Bích, akaok  Hội Liên hiệp urang kamei ban raya HCM brei thau lac daok peih ngak rilo jalan ngak, sangka tal bruk “brei gaiy vah oh lac brei ikan”:

 Hội LH  urang kamei pakat ban raya  hu labaih  250 phương tiện sinh kế dalam thun , 24 quận-huyện brei rilo  jang 2 mbang  phương tiện sinh kế. Langiu di nan, yaok thun hu labaih 10 ribau pok jien bac hu dong ka dom anek saih kan kandah. Bruk biak prong lac brei mesraiy mek liba lap piah ka dom urang kamei hu dong yam tagok dalam rai duik di drei  )

Alin brei pandap piah ngak mbang duah jien hu mong lac sa dalam dom bruk ngak prong piah patrun kan kathaot khang kajap ka bhap bini di ban raya HCM, patagok kinh tế. Piah ka danak dak patagok siam lagaih , mặt trận, kapul nyaom dom pakat sangka dalam bruk  pasang iek, duah thau rai duik di dom boh kan kathaot piah meng nan dong phương tiện sinh kế lagaih, njauk tuk, dong paglong hatai sahaneng di urang kan  kathaot kham merat yam taogk patruh kathaot  meng pren yavva di drei. Muk Triệu Lệ Khánh, Phó Chủ tịch Ủy ban Mặt trận negar  TPHCM brei thau, meda pambuak bruk song dom pasak pato pakai, dom sang bac pato bruk ngak dong ka dom boh sang kan, jiak si kan, abih di nyu nan lac tacei pato ilamu ngak mbang piah patruh kan kathao khang kajap .  

       Bruk bo  Mặt trận song karja ban raya pamong tal nan lac ngak yau habar patrun boh sang kan, boh sang jiak si kanthaot, dong urang patruh kathaot khang kajap. Ngan song jalan ngak nan, taphia rilo jalan nga, jalan dong ye khol hulin peih ngak tui jalan yaok boh sang kan, jiak si kan jeng hu sa kapul nyaom  chính trị xã hội dong ba saong tacei jalan.

Meda lac, bruk brei pandap piah ngak mbang duah jien hu mặt trận, kapul nyaom ban raya HCM peih ngak dalam tuk vak  tapa hu ba mai rilo jak jeng siam mekre. dom boh sang hu brei  phương tiện sinh kế, dong phun jien njauk jalan ngak song ba mai siam lagaih, peih tabiak rilo jalan ka boh sang kan jiak si kan kathaot yam tagok tani tanat rai duik, patruh kathaot khang kajap rik dong ka bruk patagok kinh tế-xã hội di ban raya ./.