Rilo urang ngak pahla dalam bilan ruak covid 19

Brei panuac tamat mbang ginum biai trực tuyến dalam negar ka bruk pacang caga jit Covid-19 peih tabiak harei kabroi 7/8, Thủ tướng Nguyễn Xuân Phúc brei thau cambaic laic, bruk mesruh pacang Covid-19 di negar drei yam tapa tukvak tabung glaong, min njauk brei sahaneng tantu jang, brei ngak tui dom jalan catang jang. Thủ tướng kakei oh caik rah tabiak brukkurang pandap panda, jru tavao piah pacang caga jit; tacei pato Mentri  Y tế saong dom tỉnh, ban brei ngak njauk tui quy định  di Hukum to yaom saong oh brei ka urang pambak tame mbang jien ndo. Thủ tướng kakei dom tỉnh, ban maong tui bruk jit rah tabiak di labik drei piah khik bruk ngak mbang, pablei salih; caik hatai pacang caga jit tani tanat min oh luai rah tabiak bruk pakauk tame tabiak. 

Jeng dalam mbang nyaom baai di Thường trực rajaei ka bruk pacang caga jit COVID-19, Thủ tướng Nguyễn Xuân Phúc ieu kakei yaok rahra hu phone par tangin njauk tame ứng dụng Bluezone.  Tui panuac brei thau du Mintri Thông tin saong Truyền thông, đtal urak ni hu 8,5 triệu phone par tangin pandar ứng dụng ni, rilo abih di Đà Nẵng, Quảng Nam, ban raya Hồ Chí Minh, Hà Nội. Phần mềm ngak bruk siam lagaih tapa nan duah mboh rilo urang F1, F2. Min, piah duah asal ka nyu lagaih njauk hu takik di nyu 30 triệu urang tame phần mềm ni. Ứng dụng meda hu kein laba glaong jang tuk hu 45 triệu urang tame.

Dalam dua harei 6 saong 7 bilan 8 thun 2020, dom jabat chức năng Viet Nam, Đại sứ quán Viet Nam pak negar Anh, jabat lambaok Viet Nam di dom taneh ia châu Âu, hãng kapal haok negar Viet Nam pambuak saong dom jabat chức năng pak negar ini brei kapal haok pajeng ba jaik 280 bhap bini VietNam meng Anh, Đức, Thụy Sĩ, Đan Mạch saong Séc gialc veik mai negar hu salamat. Tukvak nak tal, bruk pajeng ba bhap bini hu raidiuk kan kandah mai negar brei ramik tui hatai caong khin  di bhap bini, lagaih saong bruk jit ruak rah tabiak, bruk brei daok karei dalam taneh ia.

Ngak tui jalan ba tabiak di UB bhap bini ban raya HCM  ka bruk khik ginp salamat dalam bruk pacang caga jit Covid-19 ka mbang pacacah tamat bac THPT thun 2020 di ban raya, abih dom urang pacacah saong dom urang jaka, cei gru, nai gru, urang hu mbaok tame bruk pacacah njauk khan y tế, prein yava, bruk nao mai, taom gaok thei tui njauk adat; caga ngak khang dom bruk pacang caga jit tui panuac kakei di gah y tế, khik kajap karo ka prein yava, caga khan ka amaik ame, cei gru, nai gru pato mayah mboh dịch tễ saong nao iek ruak prein yava di dom labik y tế jaik di abih. Dom urang pacacah lac F1, F2 (mayah hu) mada oh hu mbaok tame mbang pacacah tui njauk jalan ba tabiak bo pacacah hadei tui adat di Mintri pato magru. Dom urang pacacah mboh pandiak, patuk, kan suak dalam var pacacah mada pacacah taeng di duk bilik saong hu gah y tế pak nan pasang iek dịch tễ chip hadei var pacacah nan.

Hiệp định thương mại tự do Việt Nam-Liên minh châu Âu (EVFTA) hu ba tame pandar merng harei 1 bilan 8 thun 2020 ba mbuan lagaih ka dom doanh nghiep di tỉnh Long An dalam gah pablei salih pandap tabiak negar langiu. Yau nan min, dalam tuk camereip peih ngak Hiệp định EVFTA, dom doanh nghiep jeng goak oh lac takik kan kandah. Yau ye, sarak jien je oh hu daong siam ngan saong dom doanh nghiep tuk camereip; daong jien je, sarak ka jien laba di gilang pariak brei mesre tukvak mbiah saong atah dut saong katut, meng nan phun jien buh tame ngak tagok ba tal tuklvak mek veik phun jien suai, oh lagaih. Langiu di nan, kan kandah kayua  jit Covid-19  urang ngak oh hu tani tanat ka số lượng,  padeih bruk ba tal pandap panda ngak tabiak trun takik, jien buh tabiak ngak logistic tagok glong. Tui nan, harak gar pablei pandap tabiak negar langiu daok suai damuai, oh ka lagaih njauk hatai caong khin…

Kuhria tal urak ni, dunya hu jaik 30 janih vắc xin pacang caga Covid-19 daok hu ngak iek dahlau, dalam nan hu 6 janih hu tapa vaktu ngak iek puac abih di manuac. Dom harei anak tal, Nga meda brei harak ka 2 janih vắc-xin pacang caga  Covid-19 kayua dom Viện roh duah di negar ni cak rok patagok saong tui kuhria mada ba tame ngak rilo di bilan 9 saong bilan 10 anak tal. Yaok rituh ribau mbang  vắc-xin mada hu ngak tabiak dalam 1 bilan saong hadei nan mada hu tagok jeng dom triệu di akaok thun hadei (2021). Rilo vaktu siam mekre hadah hadai ka bruk ngak tabiak vắc-xin biak rilo atau bruk klauk jru ka rilo bhap bini hu dom negar, dom công ty ba tabiak. Min, piah padam abih jit praong, dunya jeng daok hu rilo bruk njauk ngak.

Bruk pasiam veik kinh tế di Ô-xtrây-li-a meda suai jang dut saong kuhria mboh dahlau saong urang oh hu bruk ngak jeng meda ralo jang dalam dom thun anak tal yaom lac bruk patrun kinh tế kayua jit Covid-19 oh trak yau kuhria  dahlau. Ini lac panuac di urang daong bruk ka thống đốc Gilang pariak negar Ô-xtrây-li-a Lu-xi En-lít (Luci Ellis) anak dom urang ngak báo di harei kabroi 7/8. Ô-xtrây-li-a daok dang anak bruk kinh tế gaok kan kandah trak abih dalam 100 thun tapa. Tui kuhria di Gilang pariak negar Ô-xtrây-li-a,  kinh tế di negar ini meda trun 6% dalm thun 2020.

Hadei di tuk ba tabiak adat pakauk abih dom giao dịch haong Bai-đen (ByteDance) – công ty Trung Quốc sở hữu ứng dụng parabha video Tiktok, Tổng thống Mỹ Đô-nan Trăm hu ngak yau nan ngan haong Ten-xen (Tencent) – công ty ngak po di WeChat - ứng dụng di động brei adat ka manuac pandar chat meng video, sap atau harak gar tapak di mangaok phone par tangin. Dalam sarak, Tổng thống Mỹ ndom cambaih, WeChat tự động khik dom khau tin praong di urang pandar. Bruk mek dữ liệu ni brei ka Trung Quốc thau hu khau tin di urang pandar Tui nan, dalam 45 harei, dom giao dịch pambuak tal Wechat meda njauk pakauk di Mỹ./.

Urang lang: Thu Thảo -Ái Nghiêm- 8/8-