Jeng Tỷ Phú meng goc nho glai

Pathau mikva saong grauk yut !

        Ông Nguyễn Thường Lang daok di phường Mỹ Hải, ban sit Phan Rang - Tháp Chàm, tỉnh Ninh Thuận hu yam tagok ngak meda meng got nho glai, meng bruk pabam nho pajaih saong nho kiểng. Labaih 16 thun tapa, trạm pabam nho pajaih Sáu Lang di sang ông padang hu angan je, pabak nho pajaih ka urang pala nho dalam saong langiu tỉnh. Tỉ phú ini, lac sa dalam dom urang hu angan dalam bruk pakacah anit tanhe ia di tỉnh Ninh Thuan thun 2017. Kadha vak di Thanh Trí – urang pambuak bruk di rayo sap ndom Viet Nam daok di Ninh Thuan.

Ông Nguyen Thường Lang daok ieu lac Sáu Lang patui bruk pala nho mengkan di sang meng livik mai. Dom thun 90, pala nho oh ba mai kein laba glaong kayua urang nong oh ka thau lamu ky thuat, yau nan ye, ong Sau Lang kham merat megru bruk pala nho barau, ghép dhar di gar nho dại, daong phun nho hu pren caga ruak siam, takik halak, paglaong nang suat saong chat luong. Meng siam lagaih nan, ông padang trạm pabam nho pajaih di taneh pala labaih 6 sào, mek angan Sáu Lang, bhian pablei pajaih nho dại Couderc. Tal urak ini, dom urang pala nho dalam tỉnh daok pala nho tui jalan ghep dhar di gar nho dại kayua ông jao brei ky thuat. Ong Lang khan lac: Tal urak ini, abih urang nong tinh Ninh Thuan jeng ghep nho oh pala tapak yau dahlau thiah, langiu di nan daok patak pataom hu 30% pren ngak, khak drak hu nang suat rilo jang dua, 3 mbang”

  Piah plaong chat luong phun pala, thun 2014, ông Sáu Lang buh tame jaik 1 tỷ đồng ngak sang lưới, blei thiet bi hlang ia… pabham phun pajaih tui tieu chuan VietGap, tram dhar phun tame ia hu xử lý tạp chất, mùi, hadei di nan ba dhar phun pabham tame sang lưới piah daong cakak bruk jhak di gah lingiu ye: ia takon, halak; taphia nan, hu hệ thống menyek salih nhiet do ka njauk. Phun pajaih meng nan hu chat luong siam, pren caga ruak khang. Trại pabham di ông dak harei dak hu angan je, phun pajaih pablei tabiak samal, laba jeng tagok glaong jang. Urak ini, cơ sở Sáu lang lac doanh nghiep dang akaok gah pablei phun pajanih nho hacih ka urang pala dalam taneh ia, yaok thun pablei labaih 1 trieu got. Kaoh jien buh tame, yaok thun, sang ông laba labaih 2 tỷ dong meng 2 trại nho pajaih. Ông Nguyễn Minh Tài daok di xã Bắc Sơn, huyện Thuận Bắc, Ninh Thuận brei thau: Dhlak lac urang blei di saai Sáu, mai ini piah klah rabha kinh te ngak mbang piah mikva patagok phun nho, mboh saai daok di ini pabham pajaih ka mikva  hu kein laba, caong khin di mikva biak siam.”

  Hadei bruk jak jeng di gah nho pajaih, ông Sáu Lang salih tapa roh duah pala nho kiểng duh ka bruk maong me-in phun kiểng di dom sang. Meng got nho taha 7 – 8 thun, ông blei mai blaoh ba tame bầu pala dalam beir hu tabung pacang, hadei di 8 bilan meda cakak dhar piah tabiak bingu. Nho kiểng bhian hu pablei  khang di tuk tet, yaok thun cơ sở di ông pablei jaik 5000 got nho kiểng, yaok got hu yaom meng 40 rabau dong pablei ka urang blei ba nao pablei di dom tỉnh dalam taneh ia. Ini lac tuk piah cơ sở nho pajaih Sáu Lang yaih khan phun đặc sản Ninh Thuận nao tal urang blei dalam taneh ia. Ông Lê Đình Nguyên, akaok kapul urang nong ban sit Phan Rang – Tháp Chàm khan lac: “Saai Lang kham merat bac megru, roh duah mek pajaih nho glai mai saong lai tạo dom pajaih nho blei meng taneh ia lingiu, hu pren caga ruak khang piah daong mikva urang nong hu pandap siam, pacang dom janih halak, lingik pandiak”

Lac Akaok dhar kapul urang nong khu phố 2, phường Mỹ Hải, ông Sáu lang tuk halei jeng jaik taphia, klah rabha alimu pala nho saong daong hoi vien ngak mbang hu kein laba kinh te glaong. Nho pajaih di cơ sở Sáu lang daok hu Liên hiệp Khoa học phát triển doanh nghiệp Việt Nam piloih ruah lac angan dang akaok di Việt Nam thun 2015./.