Salih pandar jien ba-ar tapa pablei salih điện tử

Dalam 5 thun mai ini, di Việt Nam, bruk blei pandap tui jalan online daok dak harei dak jeng bhian randap saong taduan hu bruk sangka praong di bhap bini, abih di nyu lac hadei di tuk jit ruak covid 19 tamuh tabiak, urang blei pandar salih bruk bhian randap blei pandap yau meng kan tapa blei online rilo jang.

     Việt Nam jeng daok lac taneh ia cakrok hadei dom labik pablei salih mbuan lagaih min nyu daok patagok biak samar. Pablei salih điện tử tagok samar ngan saong 80% urang hu blei pandap online. Dom janih pandap hu blei pandar rilo di abih lac khan ao, pandap điện tử, tapung son. Tapa pasang iek blei pandap online thun 2019 mboh lac, blei khan ao: 24%; pandap pandar ka rup 21%; pandap điện tử: 18%; harak kapal haoh, iek phim: 17%; asal kadha online: 19% ...

    Amuk Đặng Thúy Hà, Yam ndok bhum gah brak, Cty roh duah darak pasar Nielsen Việt Nam ndom lac, lingiu di bruk abih takik tukvak, urang blei pandar dak harei dak takre  blei online kayua nyu lagaih. Ini jeng lac jalan peih tabiak ka dom doanh nghiệp pilih ruah bruk pablei online, ba bruk ini jeng 1 jalan nao dalam saman 4.0. Min tui amuk Đặng Thúy Hà lac, jeng daok hu rilo suh sah di bhap bini tuk blei pandap tui jalan ini: Dịch covid19 meng blaoh, pasang iek labaih 60 % urang blei pandar ndom lac daok blei pandap online. Kadha nan daok brei mboh lac urang mboh hu dom kein lagaih tuk blei online. Min jeng hu dom suh sah meng urang blei pandar, nan lac pandap nan njauk yau yaih khan halei oh. Jeng hu dom suh sah lac, bayar jien meng online meda lahik halei oh, pandap siam halei oh… nan jeng lac dom suh sah biak praong di urang blei pandar.

     Dom urang dalam nyaom biai jeng ndom lac, dalam tuk jit ruak covid 19 daok rah tabiak dak harei dak srau kadau, piah cakrok hu khang kadang bruk blei pandar tui jalan onlineine, bayar oh lac meng jien bo bo njauk jhul khang tagok bruk salih tapa số dalam doanh nghiệp, padang angan pablei salih ka ta-eng drei. Saong brei hu sa jalan ngak piah khik ramik chất lượng pandap, khik hu angan je haong urang blei pandar…Ong Lê Đức Anh, Yam ndok pasak Tin học saong Công nghệ số- Cục pablei salih điện tử saong Kinh tế số, Mintrei Công thương ndom lac: Kol drei brei hu dom jalan ngak pamuak haong dom doanh nghiệp hạ tầng, dom gah mạng viễn thông, dom công ty piah jhul patagok darak pasar blei pandar online ini. Gam haong nan, tapa dom jalan daong gah jien pajeng ba pandap, dom bruk pathau khan, yaih khan, patagok dom jalan ngak pambuak tal bruk pablei salih, duah thau cambaih dom urang hu mbaok tame bruk pablei salih, langyah bruk meriak gauk, pathau gauk, paglaong hu siam mekre bruk jao ba pandap.

     Jeng di mbang nyaom biai, dom urang lambaok hu khan brei thau dom jalan ngak bahrau dalam bayar jien oh pandar jien mbaok haong dom ứng dụng tapak, siam lagaih bruk meriak gauk di doanh nghiệp điện tử angaok darak pasar bayar jien, dui pachreih urang blei pandar dalam tuk daok tui jalan bayar jien online saong oh bayar meng jien mbaok. Tapa nan, daong ka dom doanh nghiệp dalam taneh ia ba tabiak dom jalan ngak siam lagaih ka drei piah cakrok khang kajap gah pandap blei pandar Việt Nam. Kadha ini jeng hu daong ka doanh nghiệp yam tapa srau kadau dalam tuk kan kandah kayua jit ruak covid 19./.

 Urang lang: Musa-25/8