Akaok Quốc hội Nguyễn Thị Kim Ngân

Harei 2/10/2020 (tui maong Việt Nam), dalam adit pakat glaong di Đại hội đồng Liên hợp quốc mbang ka 75 hu peih mbang nyaom biai pakat glaong pahadar 25 thun nyaom biai dunya mbang ka IV ka urang kumei ngan saong kadha: "jhul khang bruk samu gauk saong jao quyền ka yaok urang kumei saong uranaih kumei "; akaok Quốc hội Nguyễn Thị Kim Ngân hu kadha hu makna praong payua tal mbang nyaom biai. Kadha hu ndem lac “Việt Nam sanya brei jhul khang dahlau dom sáng kiến pambuak tal urang kumei saong uranaih kumei di dom sarak parong ni saong caga pambuak haong dom negar piah pamaong tal sa dunya samu gauk saong sa dunya saron mbon khang kajap”.

Dalipan bilan tapa, phun jien pablei salih di Việt Nam song drak pasa ni  hu labaih 5 tỷ 530 triệu USD. Pandap menyim jhik, klik tagaok, pandap nội thất, pandap thủ công mỹ nghệ kaya ikan, cà phê, amriak kalu, asar paaok blait… hu drak pasa ni blei rilo. Bruk ni hu batabiak di nyaom biai online ka bruk pablei salih di  Việt Nam – Nam Mỹ  kayua mintri Công Thương pambuak bruk song  Đại sứ quán Việt Nam di Argentina song Brazil peih tabiak dalam 3 harei, meng harei  1 tal harei 3/10.  Nam Mỹ là darak pasa prong ka  5 dunya, biak hu pren khang ka dom janih pandap pablei tabiak negar langiu di  Việt Nam.

Meng harei ni tal harei 4/10, dom sang bac đại học, cao đẳng meda peih tui jalan pilih ruah mbang 1 tui adat pilih ruah. Mintri pato magru brei thau meda daong dom sang bac nduac dữ liệu pilih ruah urang pacacah ảo. Dom sang bac đại học jeng padang sa kapul piah pilih ruah urang pacacah ảo, daong ka bruk pilih ruah mbang sa hu siam lagaih jang. Phần mềm pilih ruah ảo di mintri pato magru jeng yau dom thun dahlau, min hu pabak bruk daong pilih ruah yau ye salih điểm pacacah ka dom urang pacacah hu harak chứng chỉ sap negar langiu...

Harei 1/10, di xã Dương Xuân Hội, dalam  huyện Châu Thành, UBND tỉnh Long An peih bruk padang ngak  sang pahadar  Giáo sư Trần Văn Giàu. Danak dak hu yaom jien abih tih jiak  8,6 tỉ đồng; dalam nan pok jien padang ngak labaih  6,7 tỉ đồng meng kadung jien karja di ban raya  Hồ Chí Minh dong brei. Danak dak hu padang angaok taneh di sang Giáo sư Trần Văn Giàu prong labaih  2.900 m2, dalam nan hu: Sang yaih khan ka rai boh sang, bruk ngak pambuak song gilang tapuk  di Giáo sư; pasiam veik labik kubo, pala phun hajao...Giáo sư Trần Văn Giàu ndik tapui harei  11/9/1911, dalam sang boh sang  trung lưu di  xã An Lục Long, huyện Châu Thành, tỉnh Long An. Ong lac  sa urang cách mạng, sa gru pato naih gheih, sa urang roh duah ilamu  hadah krah.

  Tui pasak kuhria mboh dahlau bruk langik tasik pakat negar, kayua hu rãnh áp thấp pagam saong hangin Tây Nam khang mbiah nan ye dalam harei saong melam ni 2/10, di Tây Nguyên saong Nam Bộ hu hajan, hajan the saong hangin, hu labik hajan praong tal biak praong (ia hajan meng 30-60mm/24h, hu labik mangaok 100mm/24h). Dalam hajan hangin meda hu rabuk, jakala, hajan patau saong hangin khang. Bhap bini njauk  caik hatai piah pacang caga tuk nao ngak bruk di langiu langik atau nduac radaih dalam tuk langik hajan ribuk.

  Sa mbang khuah trak rah tabiak dalam 13tuk  harei  1/10 (tuk vak pak ni) di labik parang iek  băng đăng di labik main  du lịch ceik Đài Đãi di ban Thái Nguyên, tỉnh Sơn Tây, Trung Quốc.Gah dong duah  ba hu 28 urang tabiak gah langiu, dalam nan hu 13 urang metai, 15 urang njauk rambuac. Njauk caik hatai sangka, bruk nan rah tabiak meng dalam harei camereip di mbang padeih Tuần lễ vàng song tuk Quốc khánh song  Trung Thu di Trung Quốc. Meng hadei di tuk bruk nan rah tabiak karja negar ni  ba jip  14 kapul ngak bruk nao pasang iek bruk khik ramik siam mekre di dom labik  du lịch, labik main sambai song labik parang iek, abih di nyu nan lac dom bruk mbuan gaok bala, piah khiik caga siam mekre dalam tuk lễ.

  Mbang nyaom biai pakat glaong abih di urang pan akaok 27 negar dalam Liên minh châu Âu dalam dua harei (1-2/10) di Brúc-xen- Bỉ, piah ginum biai ka dom bruk đối ngoại, abih di nyu nan lac talei pambuak bruk haong Thổ Nhĩ Kỳ saong bruk di Đông Địa Trung Hải, bruk srau kadau di Belarus saong talei pambuak bruk haong Trung Quốc. Melam kabroi, urang brei panuac di rajaei Hy Lạp Sờ-tê-ri-ốt Pét-xa (Stelios Petsas) brei thau lac Hy Lạp tah klak dom bruk ba tabiak di mbang nyaom biai nan ka bruk oh ndom tal bruk taong phat Thổ Nhĩ Kỳ hadei di dom bruk khiêu khích di Ankara meng blaoh di Đông Địa Trung Hải.

Rayo papar sap papar binguk  Li-băng (Lebanon) harei kabroi brei thaunegar ni hu panuac ieu Cảnh sát Hình sự dunya  In-tơ-pôn (Interpol) batabiak bruk chap  thuyền trưởng song po di kapan pajeng  vật liệu rah tabiak mbang patuh  di pambah lamnge  Bây-rút (Beirut), Li-băng di bilan  8 meng bloh.Tui gah an ninh, 2 urang bo Li-băng ieu chap mek jeng lac  jeng lac urang Nga. Urak ni văn phòng in-tơ-pôn pakat negar di  Nga oh hu panuac ndom halei ka khaw tin nan. Mbang patuh khang rah tabiak hu jiak 2 bilan, min dom urang jakar Li-băng oh jalei hu panuac tangi sua ka makna song jalan ngak bo  yaom a-mô-ni ni-tơ-rát (amoni nitrat) prong meda njauk klaak veik di pambah lamnge Bây-rút song dalam tuk suai lavik yau nan./.

Urang lang: Thu Thảo - H.Pha  2/10/2020