Dom mbang pandik bara saong gah likuk takoi nan brei mboh talang raong oh siam, suai lavik meda ngak brei kan megei nao mai. Piah patrun bruk pandik bara saong takoi, khaol drei njauk caik hatai sangka tuk daok ngak bruk pak văn phòng.   

Daok la njauk

Caik hatai sangka daok la ngak bruk ka nyu njauk, abih di nyu nan lac tuk drei njauk daok la meng 8 tal 9 tuk yaok harei. Takai njauk caik sát sàn sang atau hu sa bục caik takai. Ka-ing njauk hu katal ndia.

Rami ramik veik labik ngak bruk

Bàn ngak bruk di drei njauk samu haong kuk kieng tuk daok la. Meyah bàn glaong ralo meda ngak lagah bara. Màn hình komputer siam di abih njauk caik atah sa gah tangin saong samu meta maong, juai caik ka takoi veih tagok atau kuk trun biak ralo. Meyah lagaih abih dua tangin, livik livik drei salih labik di chuột piah takik ngak sa gah bara song sa gah tangin.

Oh daok la sa labik biak suai

Yaok 2 tal 3 tuk drei njauk dang tagok nao mai dalam 10 minit. Khaol drei meda ngak dom động tác căng giãn bara, ka-ing atau trun áp lực ka meta, akaok saong takoi tui jalan mong nao atah meng 5 tal 10 m.

Bhian vận động, pasram thể dục thể thao

Yaom lac bruk hit  jan van tal halei, njauk kham merat caik tuvak laneng lanoi di puac adit piah ma-in môn thể thao drei takre atau nao pasram pak phòng gym. Kadha bhian randap ini hu daong ka drei patrun pandik bara, takoi saong daok ba mai siam mekre ka pren yava .

Juai iek njul tuk mboh pandik hasit

Kayua bruk ngak njauk daok la ralo ngak ka drei oh plaih hu dom mbang pandik lagah bara, takoi, ka-ing. Meng tuk bahrau pandik hasit, drei njauk caik hatai ramik veik tư thế daok la ngak bruk, taphia di nan ngak patrun dom mbang pandik tui jalan vật lý trị liệu, trị liệu thần kinh cột sống, massage trị liệu saong dom bài tập daong trun pandik lagah bara, takoi, ka-ing. Meyah mboh pandik nyu oh trun atau daok mboh pandik jang, njauk nao khám bác sĩ piah hu tacei jalan iek ruak ka nyu njauk, dak samar dak siam./.