# Xơ vữa động mạch meda ảnh hưởng tal rak darah praong halei dalam rup, dalam nan hu dom rak darah praong di baoh hatai, di glo akaok, thận, tangin, takai... Mảng bám nyu tamuh tabiak meng dom chất lamek, cholesterol, canxi saong dom chất karei hu dalam darah. Tui thun bilan, mảng bám khang veik saong ngak brei sit nao dom  rak darah praong. Kadha ini nyu patrun jalan nduac di darah hu rilo oxy nao tal dom labik dalam rup saong ba tal dom ruak yau:

# Ruak động mạch vành: Động mạch vành nan lac dom rak darah praong ba darah rilo oxy raong baoh hatai. Xơ vữa ngak brei sit động mạch vành, ngak brei takik hu darah nao tal cơ tim. Động mạch vành njauk xơ vữa meda ngak jeng cục darah nyu pacang cakak sa binah atau gar abih mbong jalan darah raong baoh hatai kayua mạch vành nan ba brei. Tuk nan, urang ruak mboh pandik cadha atau nhồi darah cơ tim.

# Ruak động mạch cảnh: Động mạch cảnh nan lac dom rak darah ba darah hu rilo oxy ka glo akaok. Xơ vữa ngak brei sit động mạch cảnh ngak brei takik darah tal glo akaok, tuk nan urang ruak mbuan si đột quỵ, brei mboh dom triệu chứng yau tê atau yếu meteh rup,  ndom kan atau lahik panuac ndom. 

# Ruak động mạch ngoại vi: lac dom rak darah ba darah hu rilo oxy ka takai, tangin saong vùng chậu. Xơ vữa ngak brei sit rak darah ngoại biên ba tal dom labik ini di rup babhap njauk kurang darah raong, tuk nan urang ruak njauk tê, pandik saong gaok mai njauk viêm, saluah atau nhiễm trùng dui atah, hoại tử tangin takai.

# Urak ini oh ka thau makna ba tal xơ vữa động mạch, min dom đặc điểm atau bhian randap meda ngak brei mbuan njauk ruak yau: huyết áp glaong; njuk pakao hala; urang njauk ruak ma-ik saradang; urang labaih kilo, urang limek, takik ma-in thể thao; bruk mbang menyum oh khang kadang; urang hu manuac urang dalam sang njauk ruak baoh hatai avar. Pasiam ruak xơ vữa động mạch meda hu gam dom kadha salih jalan diuk rai yau: bruk mbang menyum ka nyu njauk, trun kilo meyah labaih kilo atau limek, ma-in thể thao saong klaak njuk pakao hala. Pambuak haong bruk pandar jru mong tui bruk di ruak yau: Jru pasiam veik dom rối loạn lipid darah; trun huyết áp; jru trun đường huyết; pacang caga cục máu đông. Kadha prong di abih nan lac menyum jru tui toa di bác sĩ saong hu sa jalan diuk rai khang kadang ka baoh hatai./.