Anak dom salih barau samar di Đông Dương saong dunya, bilan 5/1941, Chủ tịch Hồ Chí Minh hu ieu pataom saong dang akaok nyaom meyai Trung ương 8 di Pắc Bó, Cao Bằng. Di nyaom meyai ini, Wa Hồ saong TƯ Đảng hu salih jalan tacei pato chiến lược, brei padeih kadha “taong jaleih địa chủ, rabha hamu taneh ka bhap bini li-ua” saong ndom lac, peih paha bangsa lac bruk dang akaok di cách mạng VN. Nyaom meyai tacei lac: “dalam tuk ini quyền lợi di bộ phận, di giai cấp brei caik tame bruk sinh tử, tồn vong di taneh ia, di bangsa”. Meng bruk salih jalan ngak yau nan, Đảng drei saong chủ tịch HCM hu salih jalan dak padang lực lượng,  jalan ngak saong nghệ thuật khởi nghĩa, ba bruk cách mạng tame bruk khởi nghĩa toàn dân, patagok pren khang taong abih bangsa. Mặt trận Việt Minh hu padang tagok saong padang dom UB di grap labik dalam taneh ia, peih bruk ngak gam saong dom kapul nyaom cứu quốc, ngak jeng tabung glaong mesruh metak khang kajap,  caga ka bruk khởi nghĩa meblah chính quyền.  PGS.TS Nguyễn Trọng Phúc, dahlau daih dang akaok Viện Lịch sử Đảng, Học viện Chính trị Quốc gia Hồ Chí Minh langyah:

“Dalam panuac ieu tổng khởi nghĩa meblah chính quyền, Wa Hồ hu ndom “Taong abih bol bhap njauk dang tagok, ba pren drei tabiak peih paha ka drei”. Drei peih paha ka drei hu, lac kayua hu jalan tacei pato di Đảng min taphia di nan lac meng hu ieu pataom, pato pasram di Mặt trận Việt Minh”

Ala bruk pan akaok ba jalan di Đảng saong Chủ tịch Hồ Chí Minh, tapa Mặt trận Việt Minh,  pren khang jum pataom di labaih 20 triệu bhap bini drei dalam yaok giai cấp, rai rah hu patagok biak glaong. Abih gauk dalam taneh ia dang tagok khởi nghĩa, taong tayah bộ máy cai trị di thực dân, phong kiến, meblah chính quyền mai tangin bhap bini. Cách mạng bilan 8 rah tabiak dalam 15 harei min hu jak jeng samar. 71 thun hadei di jayah praong prang di cách mạng bilan 8 thun 1945, taneh ia drei hu patagok khang dalam bruk dak padang saong patagok taneh ia ini. Meng sa bangsa halin halak, kan kathaot, lạc hậu, dua baoh akhar “Việt Nam” oh hu angan dalam bản đồ dunya ye harei ini, taneh ia drei mek hu dom jak jeng praong, glaong ka yaok gah, hu pambuak bruk ngoại giao saong dom taneh ia, dom kapul nyaom dunya.  Min, gam saong nan, kol drei jeng daok dang anak dom cuang kandah oh sit.    

Ong Phạm Thế Duyệt, dahlau daih lac akaok  Ủy ban Trung ương Mặt trận negar Việt Nam ndom lac, bruk chống phá di kol thù địch, gam saong bruk “tự diễn biến”, “tự chuyển hóa” dalam nội bộ, bruk suy thoái ka chính trị, tư tưởng, đạo đức, jalan diuk rai di sa bộ phận urang jakar urang đảng… Ini lac dom cuang kandah praong ka bruk jum pataom dalam Đảng saong jum pataom taong abih bangsa.  Kadha nan caik tabiak ka đảng drei saong bhap bini drei patui jalan patagok khang jang domyaom glaong di cách mạng bilan 8, abih di nyu nan lac bruk pakhang, patagok pren khang jum pataom taong abih bangsa. Ong Phạm Thế Duyệt ndom lac:

 “Tuk ini khin patagok hu pren khang jum pataom taong abih bangsa ye Đảng brei jum pataom, brei ngak kreih camin ka gah ala. Bhap bini caong đảng drei peih ngak ka pahu jalan ngak, sarak ba tabiak, ngak siam bruk nan kol drei  patagok pren khang jum pataom piah peih bruk CNH, HĐH taneh ia saong pachreih hu bhap bini dunya ngak mbang saong kol drei, kol drei mbeik drei tame bo oh njauk ralai lihik, bruk nan lac kadha praong ka bruk jum pataom”

Tapa  sajarah di bangsa brei mboh, yaom lac daok dalam tuk halei, bruk habar, gaok dom kan kandah, tavak tavaiy praong tal halei, meng bruk jum pataom, sa hatung hatian di taong abih bhap bini ala bruk pan akaok ba jalan di Đảng lac pren khang piah taneh ia yam tapa  kan kandah, tavak tavaiy. Phaok giáo sư, tiến sỹ Phạm Xuân Hằng, Đại học Khoa học Xã hội saong Nhân văn ndom lac: bruk cách mạng VN kayua đảng pan akaok ba jalan, lac bruk oh tabiak truh hu bruk pachreih tui, rik daong di bhap bini. Tuk kak kajap saong bhap bini meng bruk ngak mboh di anak meta, ye đảng meng ngak hu bruk cầm quyền urak ini. Kayua yau nan ye, dalam tukvak urak ini, piah pataom hu bruk jum pataom, pachreih tui di bhap bini, đảng brei lac hạt nhân di bruk jum pataom bangsa, pagam pambak tame bhap bini, iek glang, bồi dưỡng sức dân:

 “Pachreih hu pren khang taong abih bangsa dalam tukvak urak ini ye đảng brei ba drei tame Mặt trận yau dom samar mesruh metak khang nan piah ngak hạt nhân bruk jum pataom taong abih bangsa saong pren khang jum pataom taong abih bangsa nyu ba tal bruk dak padang pren khang taneh ia. Tuk ini Đảng njauk brei mboh bruk ngak di drei, brei jum pataom, dahlau di abih lac hạt nhân di bruk jum pataom bangsa dalam nan đảng lac tổ chức thành viên đặc biệt”.

Hadei di tuk cách mạng bilan 8 jak jeng, chủ tịch HCM hu pataom veik sa chân lý lac: “Taong abih bhap bini lac lực lượng praong di abih. Oh thei jayah hu lực lượng nan”. Maong veik bruk cách mạng bilan 8 thun 1945 di 71 thun dahlau ngan saong khẩu hiệu “bangsa lac glaong di abih”. “taneh ia palei negar lac glaong di abih”, ieu pataom taong abih bhap bini, chớp thời cơ piah meblah chính quyền, dak brei mboh bài học ka bruk jum pataom bangsa hu yaom biak glaong dalam tuk dak padang taneh ia saong mbeik drei tame dunya urak ini. Ala bruk pan akaok ba jalan di đảng, bruk jum pataom, yasa di labaih 90 triệu urang VN daok dalam saong langiu taneh ia, lac pren khang biak khang piah kol drei yam dom takai yam khang kajap angaok jalan dak padang saong patagok taneh ia./.