Dom harei akaok thun 2019, rilo sruh radaih prong bhian tame tabiak HTX Lan Cam Hamu Craok piah pajeng ba pandap nao tagok Đắc Lắc, Lâm Đồng, Kon Tum atau tame dalam dom tỉnh gah Meraong yau Bình Dương, Tp.HCM, Long An tui dom harak pambuak bruk hu mboh tangin sanya blaoh. Sa-ai Phú Hữu Minh Thuần – Urang dang akaok HTX Lan Cam Hamu Craok oh padauk hu hatai bui sambai di drei. Sa-ai klah rabha, puac thun 2018 meng blaoh, HTX hu pablei tabiak sa lô pandap tapa Đức, mboh rilo nan lac gang menyek (chum đèn), hu yaom jaik rituh triệu đồng. Piah ngak salah blaoh pandap panda tui njauk tukvak hu mboh tangin, labaih 45 xã viên njauk ngak bruk abih drei oh kuhria harei melam. Kayua caong khin biak kan kandah di gah urang blei, yau nan ye yaok pandap ngak tabiak biak tỉ mỉ saong cẩn trọng yaok khâu: meng bruk srau taneh haluk, tapat lan, uak jeng thaik binguk, ngak bingu hala, tal khâu ba tame ghing am cuh saong pajeng ba tagok radaih. Dalam dom harei jaik si Tết ini, bruk ngak di HTX ini mboh samar drah jang, dom palak tangin di dom nghệ nhân ngak lan ngak bruk gam gam piah samu ka lô pandap Tết. 

Piah palaghaih ka bruk am cuh lan dalam bilan hajan, pasak pachreih công saong Xúc tiến thương mại Ninh Thuận hu daong 30 triệu đồng padang ngak ghing am cuh lan ka HTX lan Cam Hamu Craok. Meng nan chất lượng pandap lan kayua HTX ngak tabiak hu paglaong, mẫu mả jeng mboh rilo jang. Lan phong thủy urak ini lac janih pandap hu rilo urang takre di abih, kayua nyu pandar ka bruk dak padang, trang trí văn phòng saong rilo bruk karei tra. Thun 2018, jien mek tame di HTX labaih 1 tỷ đồng, jien mek tame di yaok xã viên jeng hu patagok. Akaok thun 2019, HTX jeng hu pambuak bruk ngak mbang haong urang Nga 1 container pandap, mboh rilo lac lan trang trí nội thất saong lan phong thủy. Ini lac kadha bui sambai ka dom xã viên HTX.

Kadha bui sambai oh njauk lac tok hu mboh di dom xã viên HTX Lan Cam Hamu Craok bo daok hu mboh di dom labik ngak lan di sang gia. Baoh sang di nghệ nhân Đàng Thị Phan dalam dom harei ini jeng taduan raok rilo kapul nyaom tuai damuai mai rivang iek. Mblang taneh sang amuk oh prong, min kayua thau sap gap rami ramik gon gang nan ye jeng hu labik ka tuai damuai mong iek pandap panda, hu labik piah pambu lan saong jeng ginup labik piah caik dom mbaik ghe kapal ka tuai daok menyum aia saong ndom glai haong po sang. Dom janih pandap di sang amuk ngak tabiak mboh rilo janih pagap yau: gaok glah, ang padang aia, tal kalaok caik bingu, takai menjek, tượng vũ nữ Apsara, binon kalan Cam, gaok mai lac pandap panda trang trí kiến trúc. Jeng yau dom labik ngak lan karei, labik ngak lan di sang amuk Phan jeng daok ngak samar drah piah samu lô pandap tết. labik ngak di amuk bahrau hu urang di Bei Gon đặt hàng piah ba tapa Nhật, Úc, Mỹ. Yaok đơn hàng hu jaik 50 baoh, yaom meng 20-30 triệu đồng.

Bingu hala angaok lan Hamu Craok bhian hu ngak meng dom dụng cụ giản đơn yau hanoi, tanuak kalaok, kanduh baw… min tapa tangin siam gheih di urang ngak, dom bingu hala nan hu jeng laman lamuac saong bak pren diuk rai. Meyah lac lan Bát Tràng daneiy angan meng sambo màu men mượt mà, lan Chu Đậu daneiy angan meng dom jalan cih laman lamuac ye lan Hamu Craok hu rilo manuac urang thau nan meng sự thô kệch. Sự thô kệch gah langiu nan padauk gah dalam kadha duyên ngầm, ngak jeng janih biak karei ka lan Hamu Craok.  

Nao kabak angaok canah jalan prong dalam palei hamu Craok dalam không khí lai la-ar di dom harei jaik Tết, mùi khen khét di pon njan ralai gam haong mùi am cuh lan jeng daok phảng phất jaik di ini. Dom tượng thần Siva, vũ nữ Apsara bahrau tạo hình daok pambu dalam pandiak yau daok yen tangin salam uan khaol dahlak. Jeng angaok canah jalan ini atah di ini sa bilan, yaok ribau pandap lan Cam rilo janih yau: phù điêu, tượng thần, bimon kalan Cam… hu parang iek. Bruk parang iek ini piah meyah khan  saong caong khin bruk njauk hatai chreih tui meng ayut sahabat dunya dalam bruk padang ngak hồ sơ "Ilamu ngak lan meng kan di urang Cam " ba tagok kapul nyaom Ilamu, pato pakai, saong ilamo di Liên Hiệp Quốc (UNESCO) brei angan lac drap ar ilamo phi vật thể caong khin pacang khik chip.

Lan Hamu Craok hu sa mbang lột xác. Pandap lan mỹ nghệ hu jeng pandap chính salih ka lan pandar dalam sang saong daok ba mai jien mek tame ka dom urang ngak lan di labik ini. Yau nan min, piah ka bruk ngak lan cakrok patagok khang kajap, pandap lan Hamu Craok hu nao atah jang, langiu du bruk kham merat di yaok xã viên HTX lan Cam Bàu Trúc, dom po ngak lan, daok caong khin hu dom sarak di puk palei dalam bruk quy hoạch labik nguyên liệu ngak lan. 

Likau lia palei Cam Hamu Craok, thaik binguk dua palak takai saoh yam kadul likuk, dhul haluk lan ralai gam haong aia hauk galun vin angaok mbaok di dom nghệ nhân, gam haong panuac ndom klao di amuk Đàng Thị Phan, Đàng Thị Lực jeng kandong hamiat dalam dahlak. Saong dahlak meng thau, kayua habar lan Hamu Craok gilac hu rilo urang takre yau nan. Kayua lac yếu tố quyết định ba tal janih siam gheih gah langiu di yaok janih pandap nan lac hatai takre saong hatai kham merat di yaok urang ngak tabiak nyu./.