Urang taong ikan angan Nguyễn Văn Thanh (daok di Hòn Rớ, ban sit Nha Trang) ndom lac: “Tukvak ini yaom lac langik tasik jeng daok angin riyak, min lac tuk  di bruk taong mek ikan ngừ đại dương saong ikan ngừ sọc dưa nan ye rilo gilai tabiak tasik nao tal dom labik taong mek, lac: Trường Sa, Hoàng Sa, DK1. Dom gilai tame pabah lamnge mbang ini jeng bak hadang ikan saong mek hu kein laba glaong”. Tui urang taong ikan labik ini, ngan haong bruk  taong ikan ngừ đại dương, kuhria rah tapa yaok sruh gilai taong mek hu meng 30 tal 40 drei, samu 1,2 tal 1,5 tấn, gaok sruh taong mek hu labaih 2 tấn yau gilai KH 94356 TS, mbang nao ini njauk rilo ngan haong 60 drei, labaih 2 tấn. Ngan haong gilai ngak nghề lưới cản jalan atah, kuhria rah tapa yaok sruh taong mek hu meng 15 tal 20 tấn, gaok sruh mai hu labaih 30 tấn.

Kadha bui sambai di urang taong ikan dalam mbang nao tasik akaok thun yau hu tagok jeng dua tuk yaom di dom janih kaya ikan dalam aia hu urang duah blei di pabah lamnge Hòn Rớ glaong jang dom mbang nao dahlau. Urang taong ikan angan Trần Văn Tính daok di phường Vĩnh Trường, ban sit Nha Trang brei thau, urak ini, ikan ngừ đại dương hu pablei yaom 125.000 - 130.000 đồng/kg, hadei di tuk kaoh abih jien buh tame ngak, yaok sruh gilai laba hu 150 triệu đồng, parabha tabiak yaok urang duah hu labaih 10 triệu đồng, po gilai duah hu labaih 100 triệu đồng. Dalam tuk nan, yaom ikan ngừ sọc dưa daok di tanut 30.000 đồng/kg, urang taong ikan laba hu yaok rituh triệu đồng. Meng taong mek hu rilo, yaom pablei jeng hu nan ye urang taong ikan mboh biak bui sambai, hu jien rilo piah blei pandap panda tame sang.

Ong Nguyễn Trung Hiếu – Akaok Mban khik iek pabah lamnge Hòn Rớ brei thau, mbang nao tasik akaok thun yaom lac riyak prong angin khang,dom gilai tabiak tasik oh rilo, min kaya ikan mek hu tapa cảng jeng biak glaong, tagok tal jaik 300 tấn, dalam nan rilo meng lac ikan ngừ đại dương saong ikan ngừ sọc dưa. Meng taong mek hu rilo, yaom pablei tagok, po gilai saong urang nao gilai thei jeng hu jien mek tame glaong dut haong dom mbang nao tasik dahlau.

Urang taong ikan angan Nguyễn Văn Thương (daok di Hòn Rớ, Phước Đồng) khan lac: “Tui kuhria mboh dahlau tapa Rằm bilan sa, gilai khaol dahlak  haong dom sruh gilai di ayut sahabat ba gauk tabiak tasik. Piah caga ka mbang nao tasik anak tal, khaol dahlak hu tuh blaoh dom ribau lít menyek. Langiu di aia khar, dom pandap mbang menyum ka mbang nao tasik, khaol dahlak daok ba tui dom hương vị di harei tết tra, yau mứt, asal tamekai, củ kiệu, bánh chưng… piah ka adei sa-ai bui mbang angaok tasik”.

   Tui ong Nguyễn Trung Hiếu, tukvak ini hu yaok pluh sruh gilai vah ikan ngừ đại dương saong gilai lưới cản jalan atah di urang taong ikan Khánh Hòa, urang taong ikan di dom tỉnh jaik taphia hu tame pabah lamnge ini piah tuh menyek, caga pandap panda, mek aia khar piah nao tasik. Piah palagaih ka urang taong ikan pandar dom  dịch vụ hậu cần bruk taong ikan yau: cakon veih ikan, mek aia khar, tuh xăng, menyek… hu mbuan laghaih, pabah lamnge hu brei urang jakar trun mong iek di pabah lamnge luac harei melam piah pabak ka urang taong ikan tame tabiak hu siam laghaih di abih.

  Ong Nguyễn Trọng Chánh - Akaok Chi cục Thủy sản brei thau: “page ini, 11-02, di pabah lamnge Hòn Rớ, Chi cục Thủy sản peih bruk tabiak tasik taong mek ikan thun 2019 ka urang taong ikan dalam tỉnh. Hu mbaok tuk nan hu jaik 100 gilai taong mek ikan atah ar di tỉnh. Jeng tapa nan, Chi cục Thủy sản saong dom doanh nghiệp ngak mbang dalam gah kaya ikan dalam aia meda hu alin brei  pandap, pachreih dom urang taong ikan tabiak tasik”./.