Menuac sia dom harei tapa hu mboh bruk tòa tuyên phạt Đinh La Thăng 13 thun guk kayua ngak suan hukum Karja ka bruk khik ramik kinh tế ngak brei khat lahik trak. Ong Trịnh Xuân Thanh njauk 14 thun guk kayua ngak suan hukum, chung thân kayua tham ô drap ar. Abih tih lac guk chung thân. Rilo menuac lac: bruk pasang iek langyah catang hu mek veik hatai jia di urang jakar, urang đảng saong bhap bini dalam bruk pacang caga suy thoái, tiêu cực, tham nhũng, palai pajua. Meng baoh tapuk “Đường cách mệnh” CT HCM hu tacei tabiak 23 paka quy định “Tư cách của người cách mệnh”. Hadei di nan,dalam tapuk “ Sửa đổi lối làm việc”, Wa Ho pato hu ndom tal 12 kadha ka “ Tư cách của Đảng chân chính cách mạng”. Wa Ho pato urang jakar, urang đảng brei pasram patia rup pabhap drei, eng drei ramik rup, bruk daok dang, jalan diuk rai.Phó giáo sư, Tiến sĩ Nguyễn Quốc Bảo dahlau diah lac akok khoa Tư tưởng HCM, Học viện Báo chí saong Tuyên truyền ndom lac: bruk njauk bac di taong abih urang đảng lac, ngak bruk hagait,  pakat halei, juai var klaak bruk eng drei sahneng kuhria, pasram rup drei eng.

“ Bruk pasram jalan diuk rai siam mekre di yaok urang jakar, urang đảng biak praong. Kayua oh lac tuk halei tổ chức jeng daok taphia drei, oh njauk lac tuk halei drei jeng mboh hu bruk suan di drei.  Tuk eng drei thau sahneng kuhria meng mboh hu bruk ngak di drei nan hu ha- oh,? Kayua bhap bini halei oh? Bruk drei ngak nan nyu ba tal khat lihik ka rilo urang ha-oh? Ngak khat lahik tal bhap bini ha-oh? Ngak lahik mbaok meta di Đảng saong dalam nan hu rup drei ha-oh. Dahlak sahaneng bruk pasram rup drei eng nan lac biak praong.”

Kadha pandik harao ka bruk “lahik” urang jakar pambuak tal dom vụ án praong meng blaoh kayua dom urang jakar, urang đảng nan oh khik hu rup drei, jeng menuac có tội, ngak lahik mbaok meta, angan je di Đảng. Langiu di nan, meyah tok pasang iek quyền lực, sangka bruk urang jakar min urang jakar nan oh pasram rup eng bo tok mboh tham vọng quyền lực  ye oh hu urang jakar yau Đảng khin. Ong Nguyễn Tiến Dĩnh, dahlau diah ngak Thứ trưởng Bộ Nội vụ lac: bruk pasram jalan diuk rai hu brei mboh tapa bruk pan akaok ba jalan:

“ Jalan diukrai siam mekre oh lac tui iek sa-ai pasram rup yau habar. Bo nyu brei mboh  dalam tuk drei pan akaok ba jalan. Meda tui iek drei ngak yau habar, oh tui iek hu bruk drei pasram yau halei Nyu brei mboh tapa bruk ngak, tapa bruk pan akaok ba jalan.

Mentri Chính trị daok caga pok tagok mban Bi thư Danak dak “ Padang ngak Quy định ka bruk tui iek di  MT negar saong dom gah chính trị XH saong bhap bini ngan saong bruk pasram rup di urang dang akok, urang jakar ngak praong saong urang jakar, urang đảng”. Piah bruk nan ngak hu siam, tui ong Trần Ngọc Đường, dahlau daih ngak Phó Chủ nhiệm Văn phòng Quốc hội ye brei hu quy chế, quy định cambaic laic bruk tui iek bruk pasram jalan diuk rai di urang jakar, urang đảng. Meyah bruk pasram jalan diukrai di urang jakar, urang đảng hu mboh tapa bruk ngak ye bruk nan hu  quy định  dalam 19 kadha pakauk di Đảng, ini lac dom tanut piah tui iek, taong yaom urang đảng ngak hu hagait, daok hagait oh ka ngak hu ye khan brei thau piah hu tacei pato, ngak siam.

  
 Muk kei urang Yuan hu panuac lac “Tu thân tề gia trị quốc bình thiên hạ". Meyah oh khik rup drei hu ye ngak habar “tề gia trị quốc bình thiên hạ” hu. Meyah khik rup oh siam ye oh jeng urang jakar naih gheih hu. Tuk tame hu labik drei caong ngak, jeng jhui var klaak bruk pasram rup, jhui maong chức vụ lac jalan ngak mbang duah kein laba ka rup drei. Bruk bhian pasram rup, nyu daong ka yaok urang jakar paglaong bruk ngak di drei anak Đảng, anak taneh ia saong anak bhap bini./.