Hu tuk lahaiy, harei ini, adei saai dalam kapul chiêng kamei palei Leng pataom gauk dalam mblang sang rông, pasram kadha chiêng “Wa Hồ” piah biểu diễn dalam harei mbang akaok padai bahrau jaik tal. Saai Đinh Thị Khóp, akaok kapul brei thau, meng kan palei Leng hu kapul chiêng kamei, min kayua mesruh metak, kalin kan saong bruk ngak mbang kan kandah, nan ye chiêng kamei tui thun bilan jeng var, lihik. Jaik di ini, tuk bruk ngak mbang di mikva hu patagok, dom nghệ nhân dalam palei ginum gauk pasiam veik kapul chiêng kamei. Labaih 60 adei saai kumei halan hatian hu mbaok tame saong tari tarieng pasram megru. Saai Đinh Thị Khóp lac:  

          “Kapul cồng chiêng kamei di kol dahlak, duk saong kapul likei ye oh lah hagaih. Min kamei pasram cồng chiêng ye kan kandah jang. Kayua kamei daok kuhria bruk sang danaok, anek bhik tra. Tuk nao ngak mai kol dahlak biak glaih, min tuk pasram taong ye mboh biak bui sambai, chreih chrai. Kol dahlak khin pato veik ka uraniah piah  hadei di ini nyu thau ilamu, thau taong cồng chiêng, khik ramik ka rai rah harei hadei”.

Hadei di 3 thun, kapul me-in gheih 10 bản chiêng meng kan, ngan saong 30 adei saai taong chiêng, 30 urang karei tamia xoang. Yam tapa adat cambat di urang Bana meng kan, kapul cồng chiêng di dom adei saai kumei palei Leng harei ini hu daong pabak bui sambai ka dom rija yau mbang akaok padai bahrau, rija kreik pabah mbang kho, rija klauk kabau… Langiu di nan, kapul chiêng kamei palei Leng daok hu daa nao biểu diễn dalam dom bruk praong yau Festival cồng chiêng pakat dunya di Gia Lai thun 2009, khai trương palei ilamu dom bangsa VN di HN thun 2010, peih pakak công trình “Rup patau Wa Hồ saong dom bangsa Tây Nguyên” thun 2012. Amuk Nguyễn Thị Thanh Hương, akaok Chi hội urang kamei xã Tơ Tung, huyện Kbang brei thau:  

“Urang kamei palei Leng biak kham merat khik ramik ilamu di puk palei. Kapul cồng chiêng urang kamei palei Leng, sa bilan pasram meng 2 tal 3 harei, tuk jaik hu rija, urang pasram luac harei melam”.          

Tuk oh pasram cồng chiêng, oh nao puh, adei saai kamei palei Leng tari taring tapen kik menyim khan bai, piah dom bingu la, sambo, rak merai meng kan di ong muk oh var, lihik. Kham merat menyim piah hu blah khố ka pasang cuk dalam dom harei rija praong di palei, Saai Đinh Thị Dom, daok di palei Leng, lac:

“Menyim tanyiak brei tari taring, kham merat. Meng baoh kapah, ngak jeng merai, bloh nhuộm ngak jeng sambo meng hala ủ dalam jeik. Jaik sa bilan meng hu sa blah khan atau sa blah ao. Min kol dahlak jeng kham merat khik ramik, pato veik ka anek bhik, piah harei hadei thau bruk meng kan di drei jeng daok hu khik ramik, meng ong muk kaei caik veik”.

Urang kamei palei Leng oh lac pasram cồng chiêng, menyim tanyiak tui hatai takre, bo daok pato veik ka anek kamuan di drei. Ala bruk tacei pato di dom saai kumei, dom urang amaik, kapul chiêng uraniah palei Leng hu 40 kamuan, me-in hu ralo bản chiêng meng kan. Daok bruk pato menyim tanyiak ka uranaih hu rah tabiak yaok harei dalam baoh sang. Dom bruk ngak nan di urang kamei palei Leng hu rik daong khik ramik ilamu Bahnar hadah krah, ngak brei kaya meda jang rai diuk ilamu di mikva labik ini./.