Meyah oh hu dom urang kandang kandaih kham merat roh duah ilamu bhap bini ye meda lac, rai rah hadei oh thau hagaih ka ong muk drei”.
Di Hà Giang, urang ruah duah ilamu bangsa Dao angan Bàn Thị Ba brei tabiak mbaok baoh tapuk “dalikan bangsa Dao” saong “truyện thơ bangsa Dao” hu giải thưởng di Hội Văn nghệ bhap bini VN. Labaih 20 thun tapa, urang roh duah ilamu Bàn Thị Ba biak bhian randap saong bruk nao tal yaok puk palei piah taom gaok, ndom meyai saong yaok ong muk taha, ghi âm dom câu văn, panuac ariya daok kandaong veik biak takik dalam akaok sahneng di dom ong muk taha:
“Tuk roh duah, urang vak tabiak veik karei di gauk. Yau ye bruk, lac sa bangsa Dao min urang ini ghi âm yau ini, urang daih ghi âm yau daih. Tày hu akhar haroh ye min Mông, Dao saong dom bangsa karei oh ka hu akhar haroh nan ye biak
Daok saai Thạch Đà Ni di chi hội văn học nghệ thuật bangsa takik tỉnh Bạc Liêu ye oh lac ngak báo bo daok hu cuak ariya meng dua dua sap Việt – Khmer, saong hatai caong khin brei mboh yaom glaong ariya di bangsa drei. Bruk ini daok pachreih saai, kayua menuac paneh tabiak văn học Khemer biak ralo”.
”Urang khmer takre văn học, eng drei paneh tabiak eng drei bac saong eng drei klah rabha, oh thau tal bruk ngak di dhar kapul atau Kapul lac yau habar. Dom baha khmer hu takik di abih meng 5 tal 10 urang thau paneh văn học nghệ thuật, dalam nan hu ariya. Bo di bhum nam bộ hu jaik 500 baha khmer ye drei kuhria iek hu hadom. Đờ Ni khin pataom abih văn nghệ sĩ dalam tỉnh Bạc Liêu daok dom tỉnh karei meda hu dhar kapul karei ieu pataom, piah bruk sáng tác hu khang tagok”.
Jeng lac sa urang hội di kapul văn học nghệ thuật dom bangsa takik, ong Sùng Na Di daok di palei Lông Không- xã Mướng Nọong, huyện Quế Phong, tỉnh Nghệ An hu caik ralo tukvak, pren yava piah roh duah saong biên soạn, patabiak tapuk panuac pandao, panuac pandit bangsa Thái meng dua janih akhar haroh Thái saong Việt. Ong duh hatai, ralo yaom glaong ilamu daok lahik nao, meyah oh samar ye oh daok hagait ka rai hadei tra:
“Urang nao sa jalan ye dahlak nao dua jalan. Meyah thau sa sap bangsa nan lac jalan thuận, urak ini talap veik piah lang tapa sap phổ thông meng hu chấp nhận. Lang dua dua sap meng sap Thái tapa sap Kinh gaok tuk lac lang makna, oh lang hu abih gah dalam di nyu, nan ye nyu lahik nao tính văn học. Gaok tuk bruk nan oh taong yaom hu sa tác phẩm
Roh duah saong brei thau dom yaom glaong ilamu bhap bini di dom bangsa takik, lac sa dalam dom bruk praong di dom urang dalam Hội văn học nghệ thuật dom bangsa takik VN. Bruk daong pren di dom urang ruah duah ilamu di puk, palei hu rik daong khik ramik saong yaih khan dom yaom glaong ilamu, daoh tamia tal bhap bini dom bangsa adei saai dalam taneh ia./.
Viết bình luận